Nehemi 12:36 - BII BILA

³⁶ a puapilɛa ndɔa, Semaya, Asareɛl, Milalai, Kilalai, Maai, Netaneɛl, Yuda, Hanani, nda va ɲɛm-caan David, vana baala Hala-o, ndóò cɔw-von cuaa ni. Ɛsdras, vana sɛvaa latɔŋndo va kunda kon bollen ni.

Nehemi 12:36 Referans Kwoze

Nehemi 12:24

Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

2Dɛnnda lemasalan 8:14

Mí Salomɔn yɔngu kundala vannda ha baalala ndalan, mɛɛ David fuɲa ndɔ ndóò dimi yɛ: vanaa-solia-lasálàá, leviaa va le Mɛlɛka biiloo lepalaa-lepala-a, te kon te le nda malaa o baalalan nin-nda, a kunda kpalilaa cumulaa ladioa, a ndáà kɛsi cumullo o diola pilɛn-pilɛnndan-nda. Lende David vana baala Hala-o ndóò dimi ni.

1Dɛnnda lemasalan 23:5

vannda vàálan tan hiɔɔlu (4 000) le diola luɛyaalan cumullo, vannda vàálan tan hiɔɔlu (4 000) vɛlɛ le Mɛlɛka biiloo a ɲɛm-caan ndáà cɔw le ndu sangalaa-on.

Amɔs 6:5

Bangalan la co lɔɔnɔnndo mì niaa va condei solio o foofo. La co yiyanndo maa la co ɲɛm-caan caa lɔɔ maa David.

Ɛsdras 8:1

«Polama vanaa va bolii lapangɛi-ya ma yɔŋnun man ni, naa ndaa cɛn latulu Babilɔn o paale masaa Artasɛrsɛs len ni, mí n heelu Yerusalɛm:

Ɛsdras 7:1

O dɛnnda lan kɔɔli, telen Artasɛrsɛs masa Pɛrsea va o masalen coo-o, mí langbanɔɔ pum fula Babilɔn diolan ndu aa Ɛsdras, po Seraya-o o va ni, fulaa o polale Aarɔn bolle vanaa-solia-lasálàá len nin. Aarɔn velu Eleasar ni, mí Eleasar vialu Pineas, mí Pineas vialu Abisua, mí Abisua vialu Buki, mí Buki vialu Usi, mí Usi vialu Seraya, mí Seraya vialu Merayɔt, mí Merayɔt vialu Asaria, mí Asaria vialu Amaria, mí Amaria vialu Ahitub, mí Ahitub vialu Sadɔk, mí Sadɔk vialu Salum, mí Salum vialu Hilkiya, mí Hilkiya vialu Asaria, mí Asaria vialu Seraya fuɲaa Ɛsdras.

Kundalan 1:8

o polale Isakar len coo, Netaneɛl, po Suar-o,

Nehemi 12:35

O kon kɔɔli, mí vanaa-solia-lasálàá va bulula hɔŋaalan cuaa-a va hunɔɔ nda kɔɔli. Sakari po Yonatan-ndo, po Semaya-o, po Matania-o, po Mikaya-o, po Sakur-o po Asaf-o