Nehemi 12:27 - BII BILA

²⁷ «Mɛɛ nda cii kpakio Yerusalɛm cɔvɔɔ, má veelu leviia kpow fulaa o fondala yɛ́-yɛ́la nda va icali lan le hunɔɔ kafo bɛndoo tosaa Yerusalɛm le kpakio kumbio a ɲaale bɛndoo, a condun biilan a kɛŋun comulan, a bangalan a á bɔ̀mbillon.

Nehemi 12:27 Referans Kwoze

1Dɛnnda lemasalan 15:16

Mí David dimul simlacia leviia le puapilɛa ndaa, vanaa solia n'condua dimullo maa a cua ɲɛm-caan o laba, bangalan, bondomalan a kɛ́ŋndon, ma va mun lɔɔ, haliko mi diom bɛndoo va fulaa le cɔmndo maa kɔlkɛndɛ bɛndoo co nda o lakɔl.

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

2Dɛnnda lemasalan 5:13

O kon mí nda kpow a cuungian nɛɛ pilɛ le Mɛlɛka biiloo a le ndu sangalaa. Tuma nda va condei a bululan hɔŋndo, kɛ́ŋndon a ɲɛm-caan celenndon lɔɔ-o, má va dimio aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.» O telen kon, mí Cɛi-Hala-o pia cá a kumnde.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

Tɔŋ miingua 20:5

O kon kɔɔli, vanaa bɛndua soaanin o vanaa cɔwva lo, mà ɲuna nda aa: ‹Nɛ̀ɛ́-nɛ̀ co yɛ niaa tɛɛn nanu, ó cii cɛiyo tangul sɛnɛi kɛ o luei-yɔ lenin too? Vana kon muungu o ndu lo, yɔŋii o vu o cɔwvo mì vana celen koma kandu luɛyɔɔ lenin.

1Dɛnnda lemasalan 15:12

Mó dimul nda aa: «Niaa co simlacia o yungula leviia nin ni, la dindin latulu a puapilɛa niaa, mì la kɔ cua kesu Maalii Hala Israɛlla, mì la kɔ kɛsi ndu o fonda ya bɛɛndiaa le ndu-o.

1Dɛnnda lemasalan 15:4

Mó veelu vɛlɛ poaa Aarɔn-nda a leviia latulu.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Condii lisai 149:3

La biilu ndu a yolan, la lɔɔ dundulan a bondomalan.

Condii lisai 30:1

Condii David soli o kafo-kumbia Cɛi-Hala-o coo-e

Nehemi 11:20

Israɛlaa tɔ̀a, vanaa-solia-lasálàá, handɔɔ o leviia coo, nda va icali Yuda o cieon celen nin ni. Nda kpow vana-vana va icali o fonda co kɛ́ ndɔɔ-o.

Nehemi 8:17

Mí vanaa fula kan o cɛlen nin-nda kpow a tangul kùùlan, má cal lenin. Mí kon yɔŋnun dɛnɛ ɲaale bɛndoo, bau kabi o paale Yosue po Nun-ndo len Israɛlla ndáà mɛɛlu kafo kon tosa ni.

Ɛsdras 6:16

O kon mí Israɛlla, vanaa-solia-lasálàá, leviia a vanaa fula o biyɔɔ nin-nda kpow a tosa kafo kumbiaa Cɛi-Hala-o a kɔlkɛndɛ bɛndoo.

2Dɛnnda lemasalan 7:6

Mí vanaa-solia-lasálàá sim o fonda ndaa, mí leviia bɛɛ sim a ɲɛm-caan masaa David ndóò toosiaa le Mɛlɛka sangalaa-on, má va Mɛlɛka biiloo mɛɛ David ndóò cɔm nda le condei solio yɛ aa: «Kani kɛndɛi ndɔɛi cuu le lɔ́ɔ́-lɔ́ɔ̀ le.» Vanaa-solia-lasálàá va isisi nda laci má va bululan hɔŋndo. Israɛlla kpow a va isisi.

1Dɛnnda lemasalan 26:31

Yeriya va simlacinɔɔ Hebrɔnnda coo ni. O vɔsi hiɔɔlundɔɔ o masale David len nin, mí vannda yaasiaa dɛnɛ polale vialaale yungula vanaa kan, má komal vanaa mayoomua Yaesɛr, o tàndá Kalaad-o nin.

1Dɛnnda lemasalan 23:5

vannda vàálan tan hiɔɔlu (4 000) le diola luɛyaalan cumullo, vannda vàálan tan hiɔɔlu (4 000) vɛlɛ le Mɛlɛka biiloo a ɲɛm-caan ndáà cɔw le ndu sangalaa-on.

1Dɛnnda lemasalan 16:42

Mí Heman nda Yedutun a vanaa va nda ikɛi-ya va bululan hɔŋndo, kɛ́ŋndon a ɲɛm-caan celen lɔɔ, le condun Mɛlɛka-on solio. Poaa Yedutun-nda va kpalilaa cumulaa ladioa ni.

1Dɛnnda lemasalan 16:5

Nda yɔŋnun haa ni: simlacinɔ tasoo va Asaf ni, o diinndɔɔ Sakari. Telen Asaf va kɛ́ŋndon lɔɔ-o, mí Asiɛl, Semiramɔt, Yehiɛl, Matitia, Eliab, Benaya, Obɛd-Edɔm a Yehiɛl nda va tòvalan a bondomalan lɔɔ.

1Dɛnnda lemasalan 13:8

Mí David nda Israɛlla kpow a va bangalan, bondomalan, dundulan a kɛ́ŋndon lɔɔ, má va bululan hɔŋndo. Mí nda pila va condon a yolan a kɔlta ndalan kpow Hala o hɔl.

2Samiɛl 6:12

Mɛɛ vannda kɔ dimul masaa David maa Mɛlɛka dɔw Obɛd-Edɔm duaa a vanaa ndɔa kpow le tùú kesu kpema Mɛlɛka-o va o ndu lo-o, mí David kɔa o Obɛd-Edɔm ndo, mó kɔ cua kesu kpema kalaa, mó muungu a ndu o kobi ndɔɔ nin a ɲaale bɛndu-bɛndoo.

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

1Masaa 8:63

Mì Salomɔn dii nawva vaalan bidiin a latiɔn, mó dii saa a cuinnda vaalan kɛmɛ a bidiin le Mɛlɛka sálà kɔlɲuloo solullo. O kon mí ndu masaa nda Israɛlla kpow a tosa kafoo, má sɔaa Cɛiyo Mɛlɛka o ba.

2Dɛnnda lemasalan 29:25

Mí masaa simi leviia o bɛ́ɛ̀ Cɛi-Mɛlɛka-o nin a kɛ́ŋndon, bɔ̀linndan a bondomalan o laba maa mɛɛ masaa David, Kad ndóò tɛɛngul masaa sɔɔn Hala-on-ndo a Natan va vana-tɛɛngaa-diom Hala-o-o ndáà dimi yɛ. Kani sɔɛi Mɛlɛka ndóò dimi a sondola vanaa-tɛɛngaa-diom ndɔɔ-a-e va ken ni.

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»