Nehemi 12:24 - BII BILA

²⁴ Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

Nehemi 12:24 Referans Kwoze

Nehemi 11:17

Matania po Misee-o, po Sabdi-o, po Asaf-o, ndu va condun lisan simndan laci o telen lepiɛiyo ni, Bakbukia va vana diinndɔɔ Misee ikɛi ni, a Abda po Samua-o, po Kalal-lo, po Yedutun-ndo.

Nehemi 9:4

Mí Yosue, Bani, Kadmiɛl, Sabania, Buni, Serebia, Bani a Kenani sim o bando leviia coo, má heelu diomndan le Mɛlɛka Hala ndaa piɛiyo.

Nehemi 8:7

Mí vana-vana lo isisi o fonda ndɔɔ, mí Yosue, Bani, Serebia, Yamin, Akub, Sabetai, Hodia, Maseya, Kelita, Asaria, Yosabad, Hanan, Pelaya a leviia a va vannda tɔŋndo tɛɛsiallo.

Ɛsdras 2:40

Poaa Yosue-a a poaa Kadmiɛl-la fulaa o yungu Hodavia-o nin, kan va belaŋɔmmɛw a à hiɔɔlu (74).

2Dɛnnda lemasalan 8:14

Mí Salomɔn yɔngu kundala vannda ha baalala ndalan, mɛɛ David fuɲa ndɔ ndóò dimi yɛ: vanaa-solia-lasálàá, leviaa va le Mɛlɛka biiloo lepalaa-lepala-a, te kon te le nda malaa o baalalan nin-nda, a kunda kpalilaa cumulaa ladioa, a ndáà kɛsi cumullo o diola pilɛn-pilɛnndan-nda. Lende David vana baala Hala-o ndóò dimi ni.

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

Yosue 14:6

Paale pum, mí vanaa fula o polale Yuda len nin-nda kɔa o Yosue lo Kilkal, mí Kalɛb po Yefune Kenisiinɔ-o dimul ndu aa: «Vɛ̀ɛ̀ a loonun pá ɲɛ Mɛlɛka dimul Moise vana baala Hala-o le nɔm a ya o kɔɔ Kadɛs-Barnea-o?

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Nehemi 12:23

Mí diola bolii lapangɛi leviia la sɛvan o sɛbɔɔ nin, kɛ o telen Yohanan po imama Eliasib-o nin daama kon tosan ni.

Nehemi 12:36

a puapilɛa ndɔa, Semaya, Asareɛl, Milalai, Kilalai, Maai, Netaneɛl, Yuda, Hanani, nda va ɲɛm-caan David, vana baala Hala-o, ndóò cɔw-von cuaa ni. Ɛsdras, vana sɛvaa latɔŋndo va kunda kon bollen ni.

1Dɛnnda lemasalan 16:4

Mí David simi leviia pum o kesu Mɛlɛka-o laci le baalaa tosaa, le Mɛlɛka Hala Israɛlla sangalaa a le ndu biiloo.