Nehemi 10:37 - BII BILA

³⁷ Maa mɛɛ o co o sɛvaa o tɔŋndo nin yɛ, n hunnin a poaa naa tasea, navaa tovaa naa tasea, a saa kóndóa naa tasea, a cuinaa toovia naa tasea o Cɛi-Hala naa nin, mì n yɔngu nda vanaa-solia-lasálàá co baalaa tosaa o Cɛi-Hala-o nin-nda.

Nehemi 10:37 Referans Kwoze

Tɔŋ lasálàá 23:17

La va pɛ cɔnɔnndo o laniaa lo, la hin a bululan latiɔn-tiɔn le ya sálà heelunnin coo ya o hɔl-lo solullo. La bɛnda mì la toosiaa buloo a kpeyanndo kiloo leyàá, mì la vow lɛvɛnndo lecoo, mì la lom. La bɛnda mì la toosial-la bulu kon a ɲɛm tasen niaa koawnin-ndon.

Kundalan 18:21

Kɛ́ ya yɔngu polale Levii len-ndo co o-tɔ́ndɔla Israɛlla vanin yɔngoo o ɲɛm ndan nin-ndan ni. I yɔngu nda kon le vali nda co tosaa o cɛi-kola-toandaa-labɔɔŋianndo nin-ndo.

Nehemi 13:9

O kon kɔɔli, mí dimul vannda le cɛila lan dindio few-few, mí mingi ɲɛm-laandun valin Cɛi-Hala-o, ɲɛm-kéan a ansan lenin.

Nehemi 13:5

Mó ke ndu cɛi bɛndoo pum, nɛɛ ndáà kɛsi ɲɛm-kéan fula o ɲɛm vaan nin-ndon, ansan, a ɲɛm-laandun Cɛi-Hala-o o tasendɔ-a. Lon koni ndáà kɛsi vɛlɛ ɲɛm vanaa-solia-lasálàá, o-tɔ́ndɔ n'mallo, o-tɔ́ndɔ mɔima sɛnɛiyo a o-tɔ́ndɔ macuɛiyo ni, ɲɛm mun va le leviia, vanaa solia n'condua a le kpalilaa cumulaa ladioa ni.

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Tɔŋ miingua 18:4

La bɛnda vɛlɛ mi la yɔngu nda ɲɛm tasen niaa vanin sɔlaa o valta yondolan nin-ndon: malun tason, mɔima tasean a cuɛima tasean, mì la yɔngu vɛlɛ nda yiiŋii niaa vanin kiolɔɔ saa niaa tasea lekɔɔ-e.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Malasi 3:8

Vɛ̀ɛ̀ vanaciee yoomaa nɔla pá mò hui Hala? Kani la co ya huiyo mí la va ɲunaa aa: ‹Vɛɛ nɛ naa n co yɛ nɔm huiyo?› O o-tɔ́ndɔlan nin a o ɲɛm-kéan nin. La co yɔngu mɛɛ o bɛnda yɛ le.

2Dɛnnda lemasalan 31:6

Mí Israɛlaa va vɛlɛ o kobila va o tàndá Yuda-o nin-ndan nda bɛɛ a yɔngu o-tɔ́ndɔ cɔlua ndaa bana-banaa a o cɔlua pɔmbɔa. Má faŋa vɛlɛ o-tɔ́ndɔɔ o ɲɛm diandan ndáà siinguu teengen le Mɛlɛka Hala ndaa-on coo má yɔngu. Má dii ɲɛm mun kundalan taw.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Tɔŋ miingua 14:22

«Vɔsi oo vɔsi, la bɛnda mì la faŋa o-tɔ́ndɔɔ o ɲɛm niaa vàá o ciɛɔn niaan nin-ndon kpow coo.

Nehemi 13:10

Mí tuɛi vɛlɛ maa leviia a vanaa solia n'condua va baalaa-a mal baala ndaa, mí vana-vana muungu vali yondoo, kani a ve lɛ ɲɛ kelun le nda-o sɔla le.

Nehemi 13:12

O kon mí Yuifia kandu vɛlɛ hunɔɔ a o-tɔ́ndɔ n'mallo, o-tɔ́ndɔ mɔima sɛnɛy-yo a o-tɔ́ndɔ macuɛiyo, má luei ɲɛm mun o cɛila va le mun mandaa lan nin.

Fulaa 13:2

«Poaa tasea a cɔlua piaandua tasea Israɛlla kpow, á bɛnda ma kɛsi nda a diandaa le ya Mɛlɛka. Kani po tase oo po tase vanalanɔɔ velu pɛ, cɔlu piaandu tase oo cɔlu piaandu tase cɔloo kom pɛ, le ya Mɛlɛka kan co ni.»

Fulaa 13:12

la bɛnda mì la yɔngu ndu poaa niaa tasea a cɔlua piaandua tasea niaa kpow. Le Mɛlɛka kan co ni.

Kundalan 18:15

Poaa tasea a cɔlua piaandua tasea Israɛlla yɔngu ya-a, kan vanin le nɔm fasɛi. Kɛ a bɛnda ma tosa mì poaa tasea baŋan, mì cɔlua piaandua tasea co a nɔɔlɛiya Mɛlɛka o hɔl-la bɛɛ a baŋan.

Kundalan 18:18

Le nɔm visin ndan vanin ni mɛɛ kɔŋɔ niaa cɔm ya Mɛlɛka a faleŋii vana cɔm ya ɲɔɔ-e tosaa-e a lɔlu ba kɛndɛ cɔlu sálà kɔlɲuloo co le nɔm yɛ.