Nehemi 10:35 - BII BILA

³⁵ Mí naa vanaa-solia-lasálàá, leviia a vanaa tɔ̀a n mal siondei le telennda yungula naala yɛ́-yɛ́lan la bɛnda le hunɔɔ iyɔmnde o Cɛi-Hala naa nin-ndan piɔvanndo maa mɛɛ o co o sɛvaa o tɔŋndo nin yɛ. O bɛnda mì n yɔngu yɔmnde vɔsi oo vɔsi le sálàlan lomɔɔ o fonda-loamaa-lasálà Mɛlɛka Hala naa coo mɛɛ o co o sɛvaa o tɔŋndo nin yɛ.

Nehemi 10:35 Referans Kwoze

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Kundalan 18:12

I yɔngu nɔm vɛlɛ ɲɛm tasen nda yɔngunin ya o cuɛiyan nin, o mɔima yɛngian nin a o ɲɛm koavan nin-ndon,

Fulaa 34:26

La bɛnda mì la kɔɛ a ɲɛm kɛndɛn tasen niaa koawnin o ciɛɔn niaan nin-ndon o cɛi-kola-toandaa diandaa Mɛlɛka-o nin, ya Hala niaa pɛɛn. La yaw cuin cuaa o mɛɛma kala ndɔan nin te.»

Kundalan 18:2

Sɔɔngun puapilɛa nɔmnda ikɛi, a niaa fula latulu o polale fuɲa niaa mamaa Levii len nin-nda, mì nda va nɔm malaa niaa cuavaa nɔmaa imamaa o vallo nin, vali niaa vanin tosaa o cɛi-kola-toandaa kesu kpemaa co nin-ndo sondoo-o pɛɛn.

Esekiɛl 44:30

Ɲɛm hiow naŋɔɔ o ɲɛm tasen vanin fulaa o ɲɛm niaan nin-ndon, ɲɛ-ɲɛ niaa vanin faŋaa o ɲɛm niaan coo le Mɛlɛka yɔngoo, mun kpow n vanin le vanaa-solia-lasálàá. Vannda bɛnda mà va nda kpeyan hiow naŋɔɔ o kpeyannda ndalan nin-ndo yɔngoo, haliko mi duaa tol o cɛila vanaa kan coo.

Tɔŋ lasálàá 6:5

Fɔ mì yinnden le va biyɔɔ o fonda-loamaa-lasálàá coo tuŋ, le bɛnda mì le ɲum te, vana-solia-lasálàá bɛnda mò va yɔmnde vowvo o yin idii oo idii, mò handu sálà loamaa lecoo telen pá mo lom visin macuɛin cɔlua co le sálà kɔlɲuloo-a lecoo.

Tɔŋ lasálàá 6:6

Mì yinnden le va biyɔɔ lɔ́ɔ́-lɔ́ɔ̀ o fonda-loamaa-lasálàá coo, le bɛnda mì le ɲum te.›»

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»