Nehemi 10:34 - BII BILA

³⁴ Volin mun vanin le bulula sálàla nda kɛ̀sì Mɛlɛka o hɔl-tan piondɔɔ, le sálàla loamaalan a le ɲɛm-kéan latɔlɔn yɔngun lepalaa-lepala-on, le sálàla vana soli o paale pɛngiaalen coo lan a le sálàla paangun sɛnɛilan, le sálàla solin o palɛi celeŋii kafoei coo lan, le ɲɛm-kéan celeŋun co le Hala-on a le sálàla Israɛlla yɔngu le hakio sɔlaa malɔɔ lan. Volin mun n vanin vɛlɛ le baalala bɛɛndiaa Cɛi-Hala lan.

Nehemi 10:34 Referans Kwoze

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Esai 40:16

Yɔmnde Liban tiw le yinnden ciŋaa le, visia co lon-nda bɛɛ tiw le sálà loamaa solio le.

Talelan 18:18

Siondei malɔɔ cii sɛɛngianndan ni, ndi kialu yamɛi hali vanaa kpaayaa tɛɛn ni.

Nehemi 11:1

Simlacia va vannda coo-a a va icali Yerusalɛm. Mí vanaa tɔ̀a mal siondei, haliko mi vana pilɛ o n'van tɔ́ oo n'van tɔ́ tɛɛn o hin calle o kobi diandaa Yerusalɛm nin, o kon mì vanaa ŋɔmahiɔɔlua tɔ̀a nda lo o kobila ndalan nin.

1Dɛnnda lemasalan 24:7

Vana tase sionnden le bii-yo yɔŋnun Yehoyarib ni, o diinndɔɔ Yeyada,

1Dɛnnda lemasalan 24:5

Má mal siondei, má piɔw nda a kundalan a pilɛn-pilɛnnda, kani o poaa Eleasar-a a o poaa Itamar-a tɛɛn, vanaa bɛndua va le Fonda-Diandaa-a a á va le Hala-a ndáà fula ni.

Yosue 9:27

Mó baŋ Kabaɔnnda yɔmnde tingɔɔ a mɛnndan vilio le Israɛlla a le fonda-loamaa-lasálà Mɛlɛka-o o fonda ndu Mɛlɛka hɛli-o. Háá paalen nden hau, baala kon cuavaa ndaa imamaa co tosaa ni.

Dɛnnda kiilaa 1:26

Ndáà malɔɔ siondei, mí sionnden le bii Matias, o kon má handu ndu o kunda kiilaa tɔ́ a ò pilɛa coo.

Tɔŋ lasálàá 24:5

«Nɔm Moise, ma cua kpeyanndo, ma lom bululan tɔ́ a latiɔn a ndu. Le buloo o pilɛ lomɔɔ, a bɛnda ma tuu kpeyanndo kiloo leŋɔmpum.

Tɔŋ lasálàá 24:6

A cua pɛ bululan tɔ́ a latiɔnnda lan, a dengela lan polan man miɔn ya Mɛlɛka o hɔl o tabali toosian a sianin diandan-ndo coo, lepolaa-lepola bululan laŋɔmpum.

Kundalan 28:2

«Soo o Israɛlla lo ma dimul nda aa: ‹A cuu ya sálà co le ya-o o telen kelun-ndo, ɲɛm dian ŋɔa mun o yin le ya Mɛlɛka-on, n ya tuɛi cun kɛndɔɔ mì ɲɔɔ hɛnan ya-on pɛɛn.

2Dɛnnda lemasalan 2:3

Tofa vɔ, i co Cɛiyo simio o diola Mɛlɛka Hala nuu, le Cɛi kon siinguuo teengen le ndu, le ansan lomɔɔ ndu o hɔl, le bulula sálàla co le Mɛlɛka lan vaa kɛsio lɔ́ɔ́-lɔ́ɔ̀ ndu o hɔl a le sálàla loamaala idiilan a sálàla icɔl-tan solio, le sálàla palɛi pɛngiaalan, sálàla paangun sɛnɛilan a le sálàla kafola Mɛlɛka Hala naa solio mɛɛ tɔŋndo yiilun Israɛlla le tosaa fɛɛn a fɛɛn yɛ.

Ɛsdras 3:5

Kon cuvɔɔ, má soli sálà loamaa solin lepalaa-lepala-o, má soli sálàla paangun sɛnɛilan a sálàla kafola co le Mɛlɛka lan, handɔɔ niko o ɲɛm vana-vana va yɔngoo a yeemɛi ndɔɛi le Mɛlɛka-on coo.