Nehemi 10:31 - BII BILA

³¹ Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.

Nehemi 10:31 Referans Kwoze

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Fulaa 20:10

Kɛ paale ŋɔmmɛwndɔlen, paale pɛngiaale diandaale co le Mɛlɛka Hala niaa len le co len ni. La tosa baala oo baala o paale len coo le, kandɔɔ a niaa pila, poaa niaa, cuavaa niaa laandua, cɛa niaa piaandua a à laandua, cɔlua niaa, kɔ bii a mialaa co niaa o bɛngu coo-a.

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

Tɔŋ lasálàá 23:21

Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Fulaa 12:16

La bɛnda mì la cuungian le kaanden tosaa o paale taselen a o paale ŋɔmmɛwndɔlen coo. La tosa baala celen o palɛi ken coo le, fɔ le ɲɛdiaa niaa yawvo kínɛí.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Nehemi 13:23

O telen kon, mí ca maa Yuifia ndáà cii nin laandua yilɔɔ o vanlaandua Asdɔdea, Amɔnnda a Moabua tɛɛn.

Nehemi 13:27

N yeema lɛ mì n tuei dɛnɛ vɔɔn bɛndu vaa lende niaa tɛɛn a Hala naa le, le vanlaandua mangalaa isɔɔa yilɔɔ o nɔ̀lan.›