Nehemi 10:29 - BII BILA

²⁹ Mí vanaa tɔ̀a kpow sɔɔnguu nda ikɛi, nda yɔŋnun haa ni: vanaa-solia-lasálàá, leviia, kpalilaa cumulaa ladioa, vanaa solia n'condua, Netiniaa va baalaa o Cɛi-Hala-o nin-nda a naa vanaa sɛyan a vanaa súúla celeŋaa lo icali o lɛŋnden nin telen nda kɔɛ a Israɛlla o biyɔɔ nin-nda-a, naa n lo a yiinannda a tɔŋ Mɛlɛka-o-a pɛɛn. Handɔɔ o laandaa naa, poaa naa a o cuavaa naa laandua nɔ nin kɔlkaloo-a,

Nehemi 10:29 Referans Kwoze

Esekiɛl 36:27

I lueinin kɔl nuu niaa nin, mì tosa háá mì la bii silala nilan, mì la bii pɛɛkula nilan, mì la kela lecoo.

Condii lisai 119:106

I cii mɛnan, ɛɛ nduyɛ, mɛɛ mì tosa, i vanin tɔŋnda nɔmnda sandaalan biyɔɔ.

Nsaŋ 15:14

Te la tosa pɛ o ya co niaa dimul-lo, mɛɛ caaŋaa nia niaa co ni.

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

2Dɛnnda lemasalan 34:31

Mí masaa sim o fonda ndáà bɛɛndiaa le ndu-o, mó mingi kpemaa yii Mɛlɛka o hɔl le ndu Mɛlɛka delɔɔ kɔɔli, le tɔŋnda ndɔlan, pɛɛkula ndɔlan a silalan ndɔlan biyɔɔ a kɔl ndɔɔ kpow a le kelaa o sɔɔn va n'sɛvaa o sɛbɛ kpema kon nin-ndon kpow coo.

2Masaa 23:3

Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

Dɛnnda kiilaa 23:21

Kɛ hali mà laalan nda le. Kani vanaa pum co nda tɛɛn, a hiow n'van belehiɔɔlu. A cii mɛnan maa a dinin te, a kolnin vɛlɛ le fɔ mà dii ndu. A cii toosian, muli nɔmndo kínɛí nda co nihau cumndo nuaa ni.»

Dɛnnda kiilaa 17:34

Kɛ mí vanaa pum o nda tɛɛn a del ndu kɔɔli, má laalan ndu, nda yɔŋnun haa ni: Denis, ó va o kunda vanaa kialaa n'yamaa kobia nin-ndo, a cuaa pum diolan aa Damaris, handɔɔ vanaa celen lecoo.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Nsaŋ 7:19

Vɛ̀ɛ̀ o co tɔŋndo le Moise ke niaa le? Nduyɛ niaa kpede, vana-vana co kela o tɔŋ kon coo le. Le yɛɛ niaa co yɛ niko nɛilan nuwviaa le ya diyɔɔ?»

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Yeremi 26:4

Má dimul nda aa: Nuaa Mɛlɛka dimi ni aa: ‹La tuei ya diom, la kela o sɔɔn ya pɛɛku niaa-on coo,

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Condii lisai 105:45

haliko mi ndáà kela o nɛila ndɔlan coo, mì ndáà bii tɔŋnda ndɔlan. La lisa Mɛlɛka!

Condii lisai 8:9

yowva coocoo, suvaa co o peelo-a, a ɲɛ-ɲɛ co kelaa o mɛnndan nin.

Condii lisai 8:1

Condii David-e, í fula o condun simlacinɔ vanaa n'condua nin-nde. A banga Kat-o o soli ndi ni.

Nehemi 13:25

Mí soaa nda, mí dɔaw nda vɛlɛ danga, mí lɔaa bɛɛ a pum, mí suingi nda yiinde. O kon má mɛnalan ya o diola Hala lan, maa a kɛsi lɛnin cuavaa ndaa laandua o nɔ̀lan mialla o ba le, maa a yil-lɛnin vɛlɛ laandaa mangalaa isɔɔa le poaa ndaa, te kon te le nda pila le few.

2Dɛnnda lemasalan 6:16

Mɛlɛka, Hala Israɛlla, mɛɛ peelu niko sɔɛi n dimul vana nɔm baalaa, David fuɲa ni-e. Kani mí nɔm óò dimul ndu aa: ‹Te poaa nɔmnda caa pɛ kelaa, mà bii tɔŋnda nilan mɛɛ n kela ya o hɔl-lɛ, le lɔ́ɔ́-lɔ́ɔ̀ a folanin vana koma tosanin masalen o fonda nɔmndo-o Israɛl te.›

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

Tɔŋ miingua 33:4

Moise yɔngu naa tɔŋndo, kɛ́ɔ co kon le pulun Yakɔb-on ni.

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Kundalan 5:21

mɛɛ mɛnan-ndɔ, mì Mɛlɛka tosa mì sendío ho bii nɔm, mì vanaa niaa cal-la cua tɔɔmaseloo nɔm coo telen nda vanin mɛnaa-o. Màá Mɛlɛka siinguu nɔm vanalanɔ vilu loo, mì demboo pɛ nɔm cɔfuu,

Yeremi 34:15

Kɛ niaa yɛ, mí niáá mangala kela kon, mí la tosa dɛnɛ sandu ya o hɔl-lo, mí vana-vana solin o sondo maa puapilɛ ndɔ co ndu o ba o cɛlen nin-ndo co o ba ndɔɔ coo, mí la yii diomnden ya o hɔl, o cɛi diola nilan la co veelɔnndo nin-ndo nin.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

1Dɛnnda lemasalan 9:2

Vanaa yɔŋnun vanaa tasea le muungoo o kobila ndalan nin má kɔ mingin yondola ndalan o ba-a yɔŋnun Israɛlaa tɔ̀a ni. O nda kɔɔli, mí vanaa-solia-lasálàá, leviia a vanaa va baalaa o Cɛi-Hala-o nin-nda bɛɛ a muungu.

Nehemi 7:46

Kunda vanaa va baalala pɔm-pɔmbɔlan tosaa o Cɛi-Hala-o nin-nda: poaa Siha-a, poaa Hasufa-a, poaa Tabaɔt-a,

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.

Nehemi 8:3

Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.

Nehemi 9:2

Má Israɛlla sɛyan a vanaa co N'Yuifi le-a, má cal nda daama, má sɔlɔlan hakila ndala nda pila lan a hakila fuɲaa ndaa mamaa.