Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.
O kon, vanaa-solia-lasálàá, leviia, vanaa tɔ̀a, vanaa ɲɛ-caa, vanaa cal o dio luɛyaa-a, vanaa baalaa va o Cɛi-Hala-o nin-nda kpede a cuavaa Israɛlla kpow, mí vana-vana kɔ kila calta ndɔlan o kobi ndɔ o fula tum-ndo nin.
O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.
O kon mí Israɛlaa fula o biyɔɔ nin má muungu-a dia ɲɛdiaa kafo-hiavaa-coo nda vanaa sɛyan a dɛnɛ nɔɔlɛi vanaa-mangalaa-isɔaa va o lɛŋnde len nin-nda-a, a yiinun a Israɛlla le mulinndo Mɛlɛka Hala Israɛlla o ibuŋ-nda pɛɛn.
