Nehemi 10:1 - BII BILA

¹ «Le dɛnɛ yɔŋnun naa kon-ndo kpow, naa Israɛlla pɛɛn, mí n cua ciɛ́ɔn, mí n sɛva. Mí simlacia naa, leviia a vanaa-solia-lasálàà naa handu suon o sɛbɛ nda handu pondalen-ndo coo.

Nehemi 10:1 Referans Kwoze

Nehemi 8:9

Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Nehemi 1:1

Sɔɔn Nehemi po Hakalia-o-on co mun ni. «O vɔsi bidiinndɔɔ nin o paangii Kisleu nin, telen ya va o kobi lebollo Suse nin-ndo,

Nehemi 7:70

Mí vanaa va bolii lapangɛi-ya pum a yɔngu sianin n'kpungan vaalan bidiin (20 000) a volin latámán kilolan vàá pilɛ a kɛmɛ (1 100).

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

Nehemi 7:65

O kon mí masa ibungaa dimul nda maa a dia ɲɛm diandan te, háá fɔ mì vana-solia-lasálàá ɲuna Mɛlɛka o urim a tumim hiiloo nin.

Nehemi 10:2

Diola vanaa handu suon-nda la co lan ni: Nehemi va masa ibungaa-o, po Hakalia-o pɛɛn, Sidekia,

Fulaa 24:4

Mí Moise sɛva sɔɔn Mɛlɛka soo-on kpow. Diimandɔɔ, mó pena cɔnɔn idiiyo púŋ, mó cɔaw fonda-loamaa-lasálàá o pembii ken bɛngu, mó simi powta sálàlan tɔ́ a latiɔn mɛɛ polama Israɛlla ma co tɔ́ a mamiɔn yɛ.

2Masaa 23:3

Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

Nehemi 10:30

kɔ bii niko a simlacia naa, mí n mɛnan po, le tɔŋ Hala yɔngu Moise vana ndɔ baalaa le naa-o biyɔɔ, le kelaa o tɔŋndo coo, o nɛilan a o silala ndɔlan coo.