Nehemi 1:9 - BII BILA

⁹ Kɛ te la muungu pɛ ya o ibuŋ, mì la bii silala nilan, mì la kela lecoo, hali a kɔ bɛɛ a niaa háá lɛŋnde mɛɛlu, i nuwviaanin niaa, mì cuungiaa niaa nɛɛ pilɛ, mì kɔɛ a niaa o fonda ya hɛli le diola nilan vaa piɔlnɔnndo lon-ndo.›

Nehemi 1:9 Referans Kwoze

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Yeremi 12:15

O kon kɔɔli, ɲííye biinin ya vɛlɛ a nda, mì mingi nda, vana-vana o kɛ́ ndɔ coo, vana-vana o lɛŋnde ndɔ nin.

Esai 56:8

Maalii Hala co Israɛlla ndáà tow-va cuungiaa-o soo, mó dimi aa: «I cuungiaanin vɛlɛ vanaa celen o vanaa ndɔa co nin a cuungiannda-a ikɛi!

Condii lisai 147:2

Mɛlɛka co Yerusalɛm mingi tangul, o co vanaa va o biyɔɔ nin Israɛl-la bɔɔŋiaa.

Ɛsdras 6:12

Masa oo masa, te kon te vanaa-mangalaa-isɔɔ súú-súù a tuundan pɛ le dɛnɛ pum tosaa le tɔŋndo ho tɛɛmbuuo, le Cɛi-Hala co kon Yerusalɛm-ndo puusiaa, màá Hala diola ndɔlan la co piɔlnɔnndo o fonda kon-ndo tɛɛmbuu vana kon! Ya Darius pila yii tɔŋndo ho ni, lelan lende kpafii o tosannin ni.»

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Esekiɛl 36:24

I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Esai 11:12

O heelunin lɛfɛ landaa le vanaa-mangalaa-isɔɔa, o cuungiaanin cuavaa Israɛlaa co o ɲaanɔnndo nin-nda, o mɔɔsiaanin vanaa sɛŋin fulaa o tàndá Yuda-o nin-nda. O cuungiaanin nda fulaa o kpengun hiɔɔlun ceendo.

Condii lisai 106:47

Éé Mɛlɛka Hala naa, ciindiaa naa, soli naa vanaa-mangalaa-isɔɔa tɛɛn, mà cuungiaa naa nɛɛ pilɛ, haliko mi n sangala diola nɔmnda diandaa lan, mì n biilu nɔm, mì n sangala nɔm.

1Masaa 9:3

Mó dimul ndu aa: «I cɛl piɛile tɛɛlannde n piɛi ya len, i dindi Cɛi n tengul-la hoo le diola nilan vaa piɔlnɔnndo lenin le lɔ́ɔ́-lɔ́ɔ̀-o, i nɔnin vɛlɛ hɔlla a kɔllo lecoo lɔ́ɔ́-lɔ́ɔ̀.

Yeremi 3:14

Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

1Dɛnnda lemasalan 16:35

La yonda mì la dimi aa: «Hala vana naa baŋaa, baŋa naa, cuungiaa naa nɛɛ pilɛ, ma baŋa naa vanaa-mangalaa-isɔɔa o ba, haliko mi n lisa diola nɔmnda diandaalan, mì n cɔm ɲaale naa kpow o nɔm lisaa nin.»

Tɔŋ miingua 12:21

Te fonda Mɛlɛka Hala niaa hɛlinin le diola ndɔlan vaa biilɔnndo lenin-ndo bandu pɛ a nɛɛ niaa vanin icali-a, la nɔla mì la dii cɔlua niaa bɛndua a à pɔmbɔa Mɛlɛka kenin niaa-a, mì la tosa mɛɛ ya dimul niaa le tosaa yɛ. O kon, la nɔla mi la de ɲɛm hɛnannin niaa-on kpow o fondala niaa vanin icali lan.

1Masaa 8:48

tàà ɲɔɔlu pɛ nɔm a kɔlta ndalan kpow a á yoomu ndaa kpow, tàà lo pɛ o lɛŋnde nda kɔɛ a nda o biyɔɔ nin-nden nin mà muli hɔlla kpengii lɛŋnde n ke sindɛ fuɲaa ndaa len, kpengii kobi n hɛli hoo-o a kpengii Cɛi ya baŋ hoo o diola nɔmndan-ndo le nɔm tɛɛlɔnndo,

Condii lisai 107:3

niaa cɛn o lɛŋnde kpow nin, mó mingi niaa cuungiaa nɛɛ pilɛ-a, niaa o cuungiaa fulaa a ba paalen le can-ndo-a, a ba del-lo-a, niaa fula a ba too-a a niaa fula maluaŋ-nda pɛɛn.

Esai 27:12

O palɛi ken nin, Mɛlɛka lɔaanin kullon mì n cɛɛlun, kandɔɔ o pee bɛndoo, kɔlan tiiya háá o pee pɔmbɔɔ Esipte, o kon niaa cuavaa Israɛlla, a cɔwviaanin niaa a pilɛn-pilɛnnda!

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Esekiɛl 14:6

Lelan, dimul cuavaa Israɛlla aa nuaa Maalii, o co Mɛlɛka-o soo ni aa: ‹La mangala kaala niaalan mì la faŋa kɔllo o piɔmaa niaa kan. La faŋa hɔlla o dɛnnda niaala nɔɔlɛila lan kpede.›

Tɔŋ lasálàá 26:3

«Te la bii pɛ tɔŋnda nilan, te la tuei pɛ silala nilan mì kela lecoo,

Tɔŋ miingua 30:1

«Lɔ́ɔ́ dɛnnda lan kpow la keinin niaa coo-o, duaa a danga ya kɛsi niaa laci-o, te la cua pɛ sɔɔn mun balan tan tiɔn nɛɛ Mɛlɛka Hala niaa toawnin niaa vanaa-mangalaa-isɔɔa tɛɛn-nda,

Sakari 8:7

Nuaa ya Mɛlɛka-Nɔ-Kpaayaa-Kpow-vo dimi vɛlɛ ni aa: La tofa vɔ, i co vanaa nia baŋa, mì soli nda o lɛŋnde co a ba paalen le can-ndo len nin, mì soli vɛlɛ nda o lɛŋnde co a ba paalen le del-lo len nin.