Nehemi 1:6 - BII BILA

⁶ Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

Nehemi 1:6 Referans Kwoze

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Condii lisai 34:15

Kpakpala dɛnɛ vɔɔndo, ma tosa dɛnɛ kɛndɔɔ, nuwviaa kɔlɲuloo, ma kela ndu kɔɔli.

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

2Dɛnnda lemasalan 29:6

Kani fuɲaa naa mamaa lo o lediom coo a Mɛlɛka Hala naa le, má tosa ɲɛ bɛnda ndu o hɔl too. Má mal ndu, má faŋal Fonda-Diandaa hɔlla, má mulul Mɛlɛka kɔɔ.

2Dɛnnda lemasalan 6:40

Éé Hala nuu! Tofa, mà yaŋ nilan o piɛile ya co nɔm nden solullo o fondaa ho len.

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

1Timote 5:5

Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.

Condii lisai 130:2

Maalii, tuei ya diom, tuei ya diom telen ya co nɔm cɛɛŋɔnndo o lani-o.

Condii lisai 55:17

Ya ya, Hala ya co piɛiyo ni, nduyɛ, ndu Mɛlɛka ciindiaanin ya.

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Ɛsdras 10:1

Telen Ɛsdras va kon vula baŋaa o Cɛi-Hala-o hɔl-ndɔ, mó va Hala piɛiyo a hakilan sɔlɔnndo a caŋndo-o, mí Israɛlla cuungian sɛ́lɛ́ bɛndoo ndu ikɛi: vanpiaandua, vanlaandua a cuaambɔa. Mí nda kpow a va caŋndo fúkpàà-fùkpàà.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Condii lisai 88:1

Condii poaa Kore-a le simlacinɔ vanaa n'condua. A mɔnɛi nda soli condei he ni. Mí Eman Ɛsrahiinɔ condu aa:

Ɛsdras 10:11

Lelan, la sɔlɔlan hakila niaalan Mɛlɛka Hala fuɲaa niaa mamaa o hɔl, mì la tosa mɛɛ hɛnan ndɔɔ co yɛ, la sɛyan a vanaa co o lɛŋnden nden nin-nda, mì la mal vɛlɛ laandaa mangalaa isɔaa co niaa o ba-a.»

2Dɛnnda lemasalan 28:10

La yeema vɛlɛ mì la siinguu vanpiaandua a vanlaandua niaa fula haa Yuda a Yerusalɛm-nda cɛa. Vɛ̀ɛ̀ o co dɛnɛ hakio le niaa co tosaa lende a Mɛlɛka Hala niaa le?

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

1Masaa 8:30

Ya vana nɔm baalaa a vanaa nɔmnda, a co Israɛlla-a, n sim pɛ o fondaa ho mì n piɛi nɔm, tuei naa diom nɛɛ n vanin o calta nɔmndan o halataala-a, mà mal naa haki.

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Condii lisai 102:17

Telen Mɛlɛka minginin Siɔn tangul-lo, o fulanin ceen mò cɔmnun o biilu ndɔɔ nin.

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Daniɛl 9:8

Lende ni Mɛlɛka! Naa siɛmbulan la bii ni: naa pila, masaa naa, simlacia naa a fuɲaa naa mamaa. Kani n cua hakio a nɔm.

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.