Nehemi 1:4 - BII BILA

⁴ Lɔ́ɔ́ ya tuei sɔɔn mun-ndo, mí cal, mí koŋul, mí mɔnɛi bii ya le palɛi taw. Mí bii sumndo, mí piɛi Hala co o halataala-o.

Nehemi 1:4 Referans Kwoze

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Condii lisai 137:1

N va icali Babilɔn o peo kɔngɔ, mí n yiyan a Siɔn o kɔɔ, mí n tundun caŋndan.

Ɛsdras 10:1

Telen Ɛsdras va kon vula baŋaa o Cɛi-Hala-o hɔl-ndɔ, mó va Hala piɛiyo a hakilan sɔlɔnndo a caŋndo-o, mí Israɛlla cuungian sɛ́lɛ́ bɛndoo ndu ikɛi: vanpiaandua, vanlaandua a cuaambɔa. Mí nda kpow a va caŋndo fúkpàà-fùkpàà.

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Rɔmnda 12:15

La dɔwnun ɲaale a vanaa co o ɲaaloo nin-nda latulu, mì la caŋ a vanaa co caŋndo-a latulu.

Sofoni 3:18

maa mɛɛ vana naŋ kɔl o paale kafolen coo yɛ.› I faŋa hau dɛnɛ palaa va niaa coo-o a siɛmbula va niaa coo lan.

Daniɛl 2:18

Má cɛlan le Hala co o halataala-o ɲunaa o piɛilen nin, haliko mi ndóò tuinun nda iɲíí a dɛnɛ kaamaa kon o kɔɔ, yɔŋii ndáà diw nda a vanaa kɔlkalua tɔ̀a Babilɔn latulu.

Ɛsdras 9:3

Mɛɛ ya tuei sɔɛi ken, mí sɛɛsiaa doma ni pɔmbɔɔ a doma ni bɛndoo a mɔnɛi, mí suingin yiinde o lebol, mí suingin siaiye, mí cal a mɔnɛi bɛnduei.

Yonas 1:9

Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

2Samiɛl 12:16

Mí David tɛɛlun Hala le poombɔ kon, mó va sumndo biyɔɔ. Tuma o muungu o ndu lo cɛinin-ndo, mó lɔl pii ihini lɛŋ.

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

Daniɛl 10:2

«O telen kon, ya Daniɛl, mí tosa lɔ́ɔ́lan tan yáá o mɔnɛi nin.

2Masaa 22:19

Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.

2Dɛnnda lemasalan 6:13

Nduyɛ, ndu Salomɔn ndóò tangul bàndóó a daɲan o bɛɔ tɛɛn, o va bandei dunndo leŋuɛɛnu, buo dunndo leŋuɛɛnu, simndan dunndo leyàá. Mó hel lecoo, mó baŋ vulan Israɛlla kpow o hɔl, mó heelu balan o halataala.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Ɛsdras 9:5

«Tuma solia sálà paale delaa tiiyaa, doma ni pɔmbɔɔ a doma ni bɛndoo va ya lekɔɔ lasɛɛsiɛilan, mí can a mɔnɛi lende, mí baŋ vulan, mí heelu balan o Mɛlɛka Hala nuu lo.

Nehemi 2:20

Mí mulul nda aa: ‹Hala co o halataala-o kenin naa kpaayaa mì n nɔla. Kani vanaa ndɔa baalaa naa n co ni, n co cɔnɔn mì n mingi tangul. Kɛ niaa, la nɔ kɛ nanu le, la nɔ dí le ɲɛ-ɲɛ nanu, la nɔ ɲɛ-ɲɛ vana loonun a niaa o kɔɔ Yerusalɛm te.›»

Condii lisai 102:15

Powtan ndan vanaa baalaa nɔmnda kaola ni, ɲííye bii nda a cɛila bémbélan ndan.