Nehemi 1:11 - BII BILA

¹¹ Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Nehemi 1:11 Referans Kwoze

Nehemi 1:6

Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Nehemi 2:1

«O vɔsi bidiinndɔɔ nin o masale Artasɛrsɛs len bɛngu, o paangii Nisan nin, mɔiyan ma va makɛsiaa ndu masaa Artasɛrsɛs laci, mí cua mɔima man mí yɔngu ndu man. Kabi bɛɛ yáà fula vɔ ndu o hɔl a kɔltambɛiyo le.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Condii lisai 130:2

Maalii, tuei ya diom, tuei ya diom telen ya co nɔm cɛɛŋɔnndo o lani-o.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Condii lisai 86:6

Éé Mɛlɛka! Tuei piɛile nilen, yan nilan o cɛɛŋɔnnda nila iɲíílan.

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

O Kandɔɔ 40:21

Mó mingi ɲinkon bolle vanaa yɔngù ndu masaa mɔiyan-nda o baala ndɔɔ nin, mí ndu muungu vɛlɛ ndu mɔiyan yɔngoo.

O Kandɔɔ 40:23

Kɛ bolle vanaa va masaa mɔiyan yɔngoo-a loonun a Yosɛf le, mó pɔɛɛnun a sɔɛi ndɔɛi.

O Kandɔɔ 41:9

O kon mí bolle vanaa yɔngù masaa mɔiyan-nda cua sɔɛi, mó dimul Faraɔnnɔɔ aa: «I sɔlɔlan-ndɔ hau tɛɛmbuu nuu.

O Kandɔɔ 32:11

Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

Talelan 1:29

Kani la pɛɛsa dɛnɛ sinaa, la cɛl le siòòŋii Mɛlɛka-e nɔu le.

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

O Kandɔɔ 40:2

Mí ndu Faraɔnnɔɔ tuulu kɔl a nda taw,

O Kandɔɔ 24:42

Nduyɛ, mɛɛ ya tiiya hau o soon kólaa, mí piɛi Mɛlɛka aa: ‹Mɛlɛka, Hala vana ni bɛndoo Abraham, tosa mì sɔɛi ya hin hee toosiaa-e bɛnda ya o ba.

O Kandɔɔ 40:1

Dɛnɛ kon hiovɔɔ, mí vanaa bɛndua va masaa Esipte o ba bɛngu-a, bolle vanaa va masaa mɔiyan yɔngoo-a a bolle vanaa loamaa bulua, a del kasi a masa ndaa.

2Dɛnnda lemasalan 6:40

Éé Hala nuu! Tofa, mà yaŋ nilan o piɛile ya co nɔm nden solullo o fondaa ho len.

Condii lisai 61:5

I yeema mì va lɔ́ɔ́-lɔ́ɔ̀ icali o cɛi-kola-toandaa nɔmndo bɛngu, mì va vionnɔnndo o kumbannda nɔmndan bɛngu.

Condii lisai 106:46

mí vanaa nda va o ba o biyɔɔ nin-nda kpow tuinun nda iɲíí.

Yeremi 42:12

I lueinin ndu kɔl iɲííyo nin, mì ɲííye bii ndu a niaa, mò mal niaa muungoo o lɛŋnde niaalen nin.»

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›