Nahum 3:9 - BII BILA

⁹ Etiopii a Esipte ndóò tiindan ni, kani ndáà nɔ kpaayaa taw. Vannda Put a haa Libii va vanaa ndɔa malaa ni.

Nahum 3:9 Referans Kwoze

Esekiɛl 30:5

Kandɔɔ a vannda Etiopii, Put, Lud a vanaa muuliannda kpow. Lɛŋnde Kub len a vanaa co o lɛŋii yii kpemaa-e nin-nda kpede a cɛɛlunnin o mɔɛi cɔwve bɛngu nda ndaa latulu.»

Esekiɛl 27:10

Vannda Pɛrse, haa Lud a haa Put va vallo vanaa nɔmaa cɔwva tɛɛn, nda va langbaa cɔvaa nɔmnda ni. O nɔmndo ndáà landu kɔ̀ɔ̀la cɔwlan a mɔsilta cɔwlan ni, nda va biilu nɔmndo ni.

Esekiɛl 38:5

Vanaa cɔwva Pɛrse, haa Etiopii a haa Put handunnin nda coo. Nda kpow a nɔnin kɔ̀ɔ̀la cɔwlan o laba a mɔsilta kengelɛila cɔwlan o lebol.

Yeremi 46:9

Soa, la cɔn le cɔwvo! Ɲɛla ɲaanannda cɔwla soa nan-ndan, la keleŋa! Vanaa caa cɔwvo caa bɛndoo-a, niaa fula Etiopii-a, niaa fula Put-a niaa caa kɔ̀ɔ̀ cɔwvo hiŋndo-a, niaa fula Lud-a a niaa caa kpaasiaa vuuo-a, la cɔn!»

Esai 20:5

O kon, siòòŋii bɛnduei a siɛmbulan la biinin vannda le lɛŋnde Etiopii le ndáà tiindan-nden a le lɛŋnde Esipte le nda va kuundianndo len.»

2Dɛnnda lemasalan 12:3

Sisak ndóò nɔ ɲɛla ɲaanannda soa nan-ndan vàá pilɛ a kɛmɛ lediin, a vanaa ɲaanun o soa coo-a vaalan belaŋɔmpum, mó fula vɛlɛ Esipte a vanaa cɔwva sɛ́lɛ́ bɛndoo: Libiia, Sukiia a Etiopiia, ndáà cuu cɔm te.

O Kandɔɔ 10:6

Poaa Ham-nda yɔŋnun haa ni: Kus, Misrayim, Put a Kanaan.

1Dɛnnda lemasalan 1:8

Poaa Ham-nda yɔŋnun Kus, Misrayim, Put a Kanaan ni.

2Dɛnnda lemasalan 16:8

Yiyan ndɔ, vanaa cɔvaa Etiopiia a vanaa cɔvaa Libiia ndáà nɔ yoomuan taw, ɲɛla ɲaanannda soa nan-ndan a vanaa ɲaanun o soa coo-a a va sɛ́lɛ́ taw, kɛ a kon kpede, mí Mɛlɛka mal nda nɔm o ba, kani ndu nɔm óò tiindan ni.

Esekiɛl 31:2

«Po vanacieo, dimul Faraɔnnɔɔ, o co masaa Esipte-o nda vanaa ndɔa sɛ́lɛ́ bɛndua aa: ‹A nɛ̀ɛ́-nɛ̀ nɔm Faraɔnnɔɔ velan yɛ o bɔɔbɔɔyɛi nɔmnde nin?

Daniɛl 11:43

O puunin Esiptea bolofaa o ba: sianion, volin humbon a ɲɛm sɔvɛɔn taw. Libiia a Kusiia delnin ndu kɔɔli.

Esekiɛl 29:7

Mɛɛ nda saa nɔm (Faraɔnnɔɔ) le nɔm tiindanndo, má yom nda o ba kpɔsu, má sɛɛsiaa nda congúla tumndan. Mɛɛ nda sɛɛŋun nɔm, má piɔl, má soli nda yoomuan.