Nahum 3:7 - BII BILA

⁷ O kon, vana-vana ce nɔm pɛ, o ɲaanun, o dimi aa: ‹Kpòkóó, Ninive tambu fɔ́! Nɛ̀ɛ́-nɛ̀ tuinun yɛnin ndu iɲíí?›»

Nahum 3:7 Referans Kwoze

Yeremi 15:5

Mí Mɛlɛka dimi aa: «Yerusalɛm, nɛ̀ɛ́-nɛ̀ tuinun yɛnin nɔm iɲíí, mò tosal nɔm dɛnɛ kɛndɔɔ? Nɛ̀ɛ́-nɛ̀ mulul-lɛnin nɔm hɔlla le i co nɔm coo-e sinaa?»

Esai 51:19

Sɔɔn miunndon mun tol nɔm coo: «Dɛnɛ tambɛiyo a piɔllo, yima fofolan a cɔwvo, kɛ nɛ̀ɛ́-nɛ̀ tuinun yɛnin nɔm iɲíí? Nɛ̀ɛ́-nɛ̀ ya co yɛ le nɔm ɲɔɔloo.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Kundalan 16:34

A lo yeelan, mí Israɛlla kpow a ɲaanun a dimio aa: «N ɲaanun, yɔŋii naa bɛɛ lɛŋnden le miol naa kpow!»

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Yeremi 50:18

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co masaa Babilɔn simul, mì simul lɛŋnde ndɔlen, maa mɛɛ ya tosa sindɛ a masaa Asiri yɛ.

Sofoni 2:13

Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.