Nahum 3:6 - BII BILA

⁶ I co nɔm sasɔɔ o loolio nin, mì tuisi nɔm siɛmbulan, mì soli nɔm vannda o hɔl kpendekele.

Nahum 3:6 Referans Kwoze

Malasi 2:9

Lelan ya co tosa ni mì siɛmbulan la bii niaa Israɛlla kpow o hɔl, mà kelun niaa yii. Kani la tui sɔɛi nii le, la va vɛlɛ vannda hiyanndo o tɔŋndo biyɔɔ nin.»

Yeremi 51:37

I co Babilɔn mingi bémbélan, nɛɛ tivolla vanin-nda, mì vannda pieow kobi kalaa a siòònde, má yonda a mɔnɛi.

SƐBƐ YƆB-O 9:31

a keleŋanin ya mingi yinɔɔ o loolio nin, mì volɔɔla nila cuɛinanndan bɛɛ la kɛɛ ya.

Hebreea 10:33

A yeow vanaa pum niaa tɛɛn, má saangiaa nda vannda o hɔl kpendekele, kɛ nduyɛ vanaa pum a va vanaa nda saangiaa kan-nda malaa.

1Korɛntea 4:9

Kani o yiyan nuu nin, naa Hala kɛsi o fonda mɛɛlaa ni, bau o bɛnda mì n sɔla piɔ́mndo. N siŋnun vanaa lɛŋnden kpede co tofaa-a, mɛlɛkaa a vannda kpow bɛɛ a co naa tofaa.

Nahum 1:14

Niaa yungoo Ninive, nuaa Mɛlɛka dimi a niaa o kɔɔ ni aa: ‹Cuavaa niaa, vana-vana lonin yoomu le diola niaalan mɛiyo ceen te. I solinin halaa niaa o cɛila máánnda niaalan nin, piɔmaa niaa iyɔmnda a piɔmaa niaa n'ciliŋaa kan pɛɛn. I co sɛi niaa tovɔɔ, kani la co lɛ ɲɛ-ɲɛ ya o hɔl te.›»

SƐBƐ YƆB-O 30:8

Diɔmaa nɔ ladio le-a súúo pum nda va ni, á va nda lɔɔ a yɔmnde le nda tovɔɔ o lɛŋnden nin.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

1Korɛntea 4:13

A tɛɛmbuu pɛ naa diolan, n tɛɛlun nda. Háá sunsun, a co naa cɔu maa nɔ́ɔ́ sál, nɔɔ le ceendo kpede.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»

Cɛɛŋɔnnda Yeremi lan 3:16

O tosa mí yimi ciŋndon o tɛnɔ̀ɔ́ coo, mó nɛw ya o pultan nin.

SƐBƐ YƆB-O 30:19

O yɔl-la o loolioo nin, mí siŋnun maa cundu a lapul.

Esekiɛl 16:37

i co sámáá nɔmaa n va tiɔmɔɔ-a kpede mɔɔsiaa, vanaa n kaola-a kpow a vanaa n nɔ nɛyɔn ndaa-a kpede. I cuunin nda fulaa nɛɛ-nɛɛ ka, mì cuungiaa nda le nɔm cɔlɔbaa, mì yunga nɔm nda o hɔl, mì mal nɔm tum fondo fúú, mì nda kpow a ce tum fondo nɔmndo kpendekele.

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Malasi 2:3

I kɔngɔlan le cuavaa niaa tɛɛmbuuo. Niaa pila yɛ, mì yikpa niaa poolan o hɔl, poola cɔlua niaa diw o kafola niaalan coo-a pɛɛn. O kon mà viow niaa a poola lan latulu.