Nahum 3:18 - BII BILA

¹⁸ «Nɔm masaa Asiri, vanaa nɔmaa bɛndua hiownun o lɔan, a tindu lɛnin lɔ́ɔ́-lɔ́ɔ̀ le. Kuubaa nɔmnda connun ihini lɛ́ɛ́siɛ́n. Nɔm yɛ, vanaa nɔmnda co a sɛŋiannda kpow o pembon coo, vana co le nda mɔɔsiaa le.

Nahum 3:18 Referans Kwoze

1Masaa 22:17

O kon, mí Misee mulul ndu aa: «I ce Israɛlla kpow a sɛŋiannda o pembon coo maa saa nɔ vana mandaa le-a. Nduyɛ Mɛlɛka dimi aa: ‹Vannda ha nɔ lɛ simlacinɔ le, lelan, vana-vana muungun o ndu lo a kɔlɲuloo.›»

Yeremi 51:57

I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Yeremi 50:18

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co masaa Babilɔn simul, mì simul lɛŋnde ndɔlen, maa mɛɛ ya tosa sindɛ a masaa Asiri yɛ.

Esai 13:14

Vanndacieea vanin paale len maa puwvɛa nda co tovɔɔ-a, te kon te, a vanin maa saa vana-vana co mɔɔsiaa nɛɛ pilɛ le-a. Vana-vana mulinnin o vanaa ndɔa lo, vana-vana mulinin hɔlla a kpengii lɛŋnde ndɔlen.

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

Yeremi 51:39

Telen yeemɛi va nda taw-vo, mí toosial nda ɲɛdiaa kɛndɛ-kɛndɔɔ. I co nda koesi háá mì ma bii nda, mà lɔl le lɔ́ɔ́-lɔ́ɔ̀. O kon a tindu lɛnin le fɛɛn a fɛɛn te.› Sɔɛi fula ya Mɛlɛka o sondo-e co ken ni.

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»

Fulaa 15:16

Siòònde a kɔl pulan-pulanndo tol nda kpow coo. Mɛlɛka, a kpaaya nɔm bɛndoo, ma mingi nda maa pow háá mí yungu nɔmndo cuu hiovɔɔ, yungu n sɔla-o pɛɛn.