Nahum 3:11 - BII BILA

¹¹ Nɔm Ninive bɛɛ, lende koni dɛnɛ palaa toalnin nɔm coo ni mɛɛ mɔima bii vana. A yɔkpanin a sangaa, ma nuwviaa nɛɛ viannannda le yaamɔaa nɔmnda hiɔlɔnndo.»

Nahum 3:11 Referans Kwoze

Esai 49:26

I miaanin vanaa dɔw nɔm yɛɛvɛ-a visin ndan nda pilan ma de mun, a kolnin kooma ndan mi ma bii nda, mɛɛ mɔima yɛngian ma bii vana yɛ. O kon, vanndacieea yoomaa kpow sinanin maa ya co Mɛlɛka ni, vana nɔm ciindiaa, vana nɔm baŋaa, Vana Kpaaya Yakɔb-o pɛɛn.

Esai 2:10

La luɛi o powta kpovalan bɛngu, la vionnun o lɛŋnden bɛngu, yɔŋii kɔltuw Mɛlɛka-o a ɲɛ-tengaa ŋuanndi-ŋuanndi co fulaa o vanabɛnduyɛi ndɔɛi nin-ndo tol niaa coo!

Luke 23:30

O kon vannda dimulnin pembon aa: ‹La komba naa coo!› Mà dimul buubuuon aa: ‹La kumbu naa.›

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Osee 10:8

Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Esai 2:19

Paale Mɛlɛka cannin le lɛŋnden vueinɔnndo len, ɲɛ-tengaa bɛndoo vanin fulaa o vanabɛnduyɛi ndɔɛi nin. Paale len, vannda luɛinin o buulula powta kpowa lan nin, mì a tiŋ luɛi o lɛŋnden bɛngu a siòònde.

Condii lisai 75:8

Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

Nahum 2:1

«Vannda Yuda sei! La tofa vɔ kiilaa hunɔɔ o pembon coo a yoongu kɛndɔɔ, Yoongu kɛndɛ kɔlɲuloo pɛɛn. Lelan, la tosa kafola niaala lekaanndan. La cuu Hala ɲɛm niaa bàá yoolen o ndu lo-on. Kani vana tɛɛmbua n'vanndo luei lɛnin o lɛŋnde niaalen nin te. O tambu mó ɲum bombo cú!»

Misee 7:17

A deembuunin cundoo maa n'kɛw, maa ɲaa yoomaa sasun lɛŋ-nda. À fulanin o fondala ndala mayoomulan nin, mà hin a ɲiiyaa o nɔm Mɛlɛka Hala naa lo. Siòònde biinin nda mà vo nɔm.

Amɔs 9:3

Taa kɔ vionnun pɛ o pembei Karmɛl tullo, i nuwviaanin nda lon mì biw nda. Taa luusian pɛ ya o hɔl mà vennun o mɛmma ihɛllan nin, i viamnin kɛwvo lon mò kɔ lɔwviaa nda.

Yeremi 51:57

I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Esai 63:6

O kon, mí nɛw vanaa súúla celennda a labɛngu o kɔl ni tuwvo nin, mí mingi nda yingo-yingo o kɔl ni fulaa nin, mí taaliaa kooma ndan lɛŋ.»

Esai 29:9

La voolu mì la dɔwnun kɔndɔfili! La kinda hɔltan mì la suma, la lo a sumɛiya lende! La yɔŋnun yingo-yingo, kɛ o va a mamɔi o hɔl te, la va boŋiboŋio kɛ, o va mɛɛ vana kol man taw yɛ le!

1Samiɛl 14:11

O kon má kɔa nda ŋiɔn kpow, má kɔ fula Filistia o hɔl. Mí Filistia dimulan aa: «La tofa vɔ! Hebreea co fulaa o soonndan nin nɛɛ nda va a viniannda-a.»

1Samiɛl 13:6

Lɔ́ɔ́ Israɛlla ce maa dɛnɛ palaa co nin hunɔɔ le nda delɔɔ coo-o, mí vannda kɔa vionnɔnndo o powta kpovalan bɛngu, o buululan nin, o bɔɔlan bɛngu, o bóltan nin a o soonndan nin.