Nahum 3:10 - BII BILA

¹⁰ Kɛ a kon kpede, vanaa kan Tɛb bɛɛ, má kɔa a nda o biyɔɔ nin. Má vɔɔciaa cɛlɛkpɛa ndaa o nɛilan kpow demullo. Mí vannda mal siondei, má piɔvan simlacia ndaa, má kɔa a vanaa ndaa bɛndua kpow o yɔlɔn.

Nahum 3:10 Referans Kwoze

Esai 20:4

lende koni masaa Asiri cuanin felengia piaandua a vanaa yuuvɛiya o lɛŋnde Esipte len a o lɛŋnde Etiopii len nin ni, mó kɔɛ a nda o biyɔɔ nin kɔɔle fondo a pelun fondo. O kɔanin a nda tumnda fondo le Esiptea siɛmbulan tuisio.

Abdia 1:11

Kani la va lon paale len, mí la simnun, mí vanaa celennda kɔannun a bolofaa ndaa. La lo tofaa mí mialla hun luɛi o kobi ndaa nin, Yerusalɛm pɛɛn, má mal siondei le bolofaa ndaa piɔvanndo. Niaa bɛɛ, mí la tosa maa vanaa kan.

Yɔɛl 3:3

I tosanin dɛnnda kaamaalan o halataala a o lɛŋnden coo: koovan, yinnden a tindile ikumnden.

Cɛɛŋɔnnda Yeremi lan 2:19

Cɔn ma lɔl yondaa pii. Tɔɔnun kɔl cɛ́kɛ́lɛ́ Mɛlɛka o hɔl. Heelu balan o ndu lo mà piɛi ndu le cuavaa nɔmaa co vuo o nɛilan coo a yiaan-nda.

Esai 13:16

Vannda pesipesinin cuavaa ndaa imamaa nda pila o hɔl. Vannda cuanin ɲɔɔn o cɛila ndalan nin, mà kpuwviaa laandaa ndaa ma va a nda.

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Condii lisai 137:8

Nɔm Babilɔn yɛ, a co hunɔɔ itambu sunsun! Màá vanaa kan a sɔla dɛnɛ kɛndɔɔ, a mingulnin nɔm dɛnɛ palaa n tuisi hoo naa coo-o-a pɛɛn! Màá a pala nɔm mɛɛ n tosa a naa yɛ!

2Masaa 8:12

Mí Hasaɛl ɲuna ndu aa: «Le yɛɛ n co yɛ caŋndo, vana ni bɛndoo?» Mí Elise muli aa: «Kani i sina dɛnɛ vɔɔn n tosalnin Israɛlla-o, a luminin kobila ndala co o kpakilan nin-ndan, ma diw langbaa felengia ndaa a mɔɛi cɔwve, ma ciimiaa cuaambɔa ndaa pɔmbɔa, ma tɛɛndiaa laandaa ndaa vanin a folilan-nda dembelan.»

SƐBƐ YƆB-O 6:27

Bàà mì la mal siondei le vííyo biyɔɔ? Vɛ̀ɛ̀ mì kelu vɔngoo le caan niaa pisio?

Condii lisai 137:9

Màá vanaa biwnin cɛlɛkpɛa nɔmnda, má pesipesi nda a powtan-nda a sɔla dɛnɛ kɛndɔɔ!

Condii lisai 149:8

A bayiaanin masaa ndaa o yɔlɔn, mà yiw simlacia ndaa a cilinndon.

Esai 19:4

I malnin Esiptea vana bɛndu kɔlvesɛiyo pum o ba, masa kɔlvesɛiyo pum tosanin masalen nda coo. Maalii soo lende ni, Mɛlɛka-Nɔ-Kpaayaa-Kpow-vo pɛɛn.

Esekiɛl 29:7

Mɛɛ nda saa nɔm (Faraɔnnɔɔ) le nɔm tiindanndo, má yom nda o ba kpɔsu, má sɛɛsiaa nda congúla tumndan. Mɛɛ nda sɛɛŋun nɔm, má piɔl, má soli nda yoomuan.