Nahum 2:8 - BII BILA

⁸ Piɔm laandu va lon-ndo solin ceen, a kɔɛnnun a ndu. Vanlaandua va baalaa tosaa o cɛi piɔm kon nin-nda co koŋullo maa n'poonpoon, a co balan handɔnndo o takpa a mɔnɛi.

Nahum 2:8 Referans Kwoze

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

Nahum 3:17

Vanaa nɔmaa bɛndua ndáà kui nin bɔɔ maa n'sóónɔ, cuavaa niaa baalaa va nin bɔɔ sɛ́lɛ́ maa pumbu n'kambala kei calle o bɔɔla iyɔmndan coo tuma ihoeiyo-a. Te paalen le kendu pɛ, a cɛn, a kɔɛnnun nɛɛ vana sina le-a. Kuɛɛ nɛ kan kpow a co yɛ?»

Yeremi 51:30

Vanaa cɔvaa Babilɔŋaa hiow cɔwvo caa-a malnin cɔwvo, mà kɔ vionnun o sɔngilan nin. A fulanin mayoomu, mà muungu fando-fando maa n'vanlaandu. Diola kobio la kumbinnin, mà mal cɛila ndɔlan yin.

Yeremi 50:16

La soli vanaa saŋaa a vanaa koavaa co o kobi kon nin-nda. Màá vana-vana ɲaanun, mò kɔɛ o lɛŋnde ndɔlen nin, mì vana-vana kɔɛ o ndu lo le cɔw kàlà-kálàá ho!

Yeremi 46:5

Yɛɛ ya co yɛ cɔu ho nuaa? Siòònde bii nda, a co muungoo a makɔɔ. A nɔla vanpiaandua dialun fulaa, a sɔɔndian a kiltan, vana-vana co tofan kɔɔli le. Kɔltan la laasian nda nin kpow. Sɔɛi fula Mɛlɛka o sondo-e co ken ni.

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Esai 47:13

La saangian o yavalan vimio nin, vanaa sina kan lavàà o halataala-a, a cɔn niko mà ciindiaa niaa! A co kan hɔlla keeliaa o halataala ma va loeon mɛɛndianndo, ma va ɲɛ hun yɔŋnunnin-ndo dimio a paangun sɛnɛiyon o kɔɔ-a a baŋa niaa niko!

Esai 13:14

Vanndacieea vanin paale len maa puwvɛa nda co tovɔɔ-a, te kon te, a vanin maa saa vana-vana co mɔɔsiaa nɛɛ pilɛ le-a. Vana-vana mulinnin o vanaa ndɔa lo, vana-vana mulinin hɔlla a kpengii lɛŋnde ndɔlen.

O Kandɔɔ 10:11

Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

Yeremi 51:13

Nɔm Babilɔn co o mɛmma bɛnduan kɔngɔ-o, nɔm nɔ hoo bolofaa taw-vo, i nɔmnde cuu, delɔɔ coo nɔmndo mɛɛlu.

Yeremi 47:3

Buukula ndalan la co diomndan soli, ɲɛla ɲaanannda soa nan-ndan la co va sɔɛi, pelun ndan vanin idiki-dikiei. Siòònde biinin kala-ncuawva, má va cuavaa ndaa pɔɛɛndan. Balan la vunin nda pɛ́-pɛ́.

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!

Esai 59:11

Naa kpede n co kuŋndan maa n'sofɛlɛ, caŋndo naa tuŋ-tuŋ maa n'poonpoon. N va yamɛi sandɛi kɔl, kɛ ɲɛ-ɲɛ bɛɛ! N va cindaa cumndo, kɛ o co naa bɔɔ levil polon.