Nahum 2:5 - BII BILA

⁵ O kon, ɲɛla ɲaanannda ndala soa nan-ndan la saan ɲaanɔnndo o nɛilan coo a o bɛ́ɛ̀lan nɛɛ-nɛɛ ka maa visia iyola, vana ca ko aa tɛngɛla leyinndan ni. Maa piɔɔ-volia la keleŋa ni.

Nahum 2:5 Referans Kwoze

Yeremi 46:12

Vanaa-mangalaa-isɔɔa tuei siɛmbula tol nɔm-ndan. Kani koŋul nɔmndo tiw nɛɛ-nɛɛka o lɛŋnden coo. Kuubanɔ cɔwvo kundunin kuubanɔ cɔw celen, mà deli latulu nda ŋiɔn kpow.»

Nahum 3:18

«Nɔm masaa Asiri, vanaa nɔmaa bɛndua hiownun o lɔan, a tindu lɛnin lɔ́ɔ́-lɔ́ɔ̀ le. Kuubaa nɔmnda connun ihini lɛ́ɛ́siɛ́n. Nɔm yɛ, vanaa nɔmnda co a sɛŋiannda kpow o pembon coo, vana co le nda mɔɔsiaa le.

Nahum 3:3

Vanaa ɲaanun o soa coo-a co vannda kuello, mɔɔn cɔwvon co volio iŋɛlɛngi-ŋɛlɛngiei, báltan la co volio maa piɔɔ-volia. Vanaa cɛɛlun-nda co sɛ́lɛ́ taw. Vanvílɛ́iya co bémbéla bɛndulan, a cuu cɔm te. Vannda co keiyo boŋio o vanvílɛ́yaa kalaa.»

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Esai 21:5

Vannda kɛsi tabalio ma pɛngɛla kolaa lecoo, a co dioo a kolɔɔ. Niaa cuavaa lemasaa sei, la cɔn! La suu cuɛiyan kɔ̀ɔ̀la cɔwla niaalan.»

Esai 5:27

Vana-vana co o sangaa le, vana-vana co boŋiboŋi le, vana-vana co yinda le, vana-vana co malɔ le, yáwle timbin vana-vana o caŋ te, yoole lasamtale kiolu vana-vana o ipelu le.

Nahum 2:6

Masaa Ninive co simlacia vanaa ndɔa cɔwva veeloo, kɛ a co hunɔɔ a boŋio. Vannda co hunɔɔ cɔ́-cɔ́ a kpengii kpaki kobio le nda delɔɔ coo. A sim nɛɛ pum le vionnɔnndo.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.