Nahum 2:4 - BII BILA

⁴ «Kɔ̀ɔ̀la cɔwla kuubaa ndaa la co la siaŋa. Volɔɔla ŋɛlɛngi-ŋɛlɛngilan la co nda lekɔɔ ni. Taa cɛn pɛ le kɔlan cɔwvo, yinnden le fula o ɲɛla ɲaanannda ndala soa nan-ndan, bálta ndalan la biiŋun.

Nahum 2:4 Referans Kwoze

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Esekiɛl 26:10

Cundu bɛndu soa ndɔa kunda bɛndua vanin cuaa coocoo-o kumbunin nɔm mɔku-mɔku. Tuma vanaa ndɔa ɲaanun a soa-a a tiiyanin a ɲɛla ɲaanannda soa nan-ndan, a bɛngula ɲɛla ɲaanannda lan, mò luɛi o diola luɛyaala nɔmndan mɛɛ vanaa cɔwva luɛi o kobi nda bii-o nin yɛ, kpakila nɔmndan la ɲiiyanin ɲinkon.

Esai 66:15

Kpókò, kpókò, kpókò! La tofa vɔ Mɛlɛka hunɔɔ sei! La tofa vɔ ndu hunɔɔ o yinnden tɛɛn, ɲɛla ɲaanannda ndɔla soa nan-ndan la co maa hoeyii felenfelen, o co hunɔɔ le kɔl ndɔ tuwvo tuisio a le kɔngɔliannda ndɔlan peeloo a yelenyelen leyinndo.

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Esai 37:24

A yei Maalii a sondo vanaa nɔmaa baalaa, a dimi aa: Ya Sanekerib, i hel o pembon tullo a ɲɛla ɲaanannda nila soa nan-ndan kunda bɛndoo. I hel o pembei Liban mɛɛlulan, mí kialu yɔmii Sɛɛdrei ndɔɛi hiow bandei-ye a yɔmii Siprɛsii ndɔɛi hiow naŋɔɔ-e. I tiiyanin o tul ndɔ hiow bandei-yo bollen a o bundɛ ndɔ kàlà-kálàá mɛɛlulan.

Yeremi 46:9

Soa, la cɔn le cɔwvo! Ɲɛla ɲaanannda cɔwla soa nan-ndan, la keleŋa! Vanaa caa cɔwvo caa bɛndoo-a, niaa fula Etiopii-a, niaa fula Put-a niaa caa kɔ̀ɔ̀ cɔwvo hiŋndo-a, niaa fula Lud-a a niaa caa kpaasiaa vuuo-a, la cɔn!»

Esekiɛl 23:24

A co hunɔɔ nɔm cɔlɔbaa a ɲɛm cɔwvon, a ɲɛla ɲaanannda soa nan-dan, a ɲɛla ɲaanannda pɔmbɔla cɔlua nan-ndan, a vanndacieea sɛ́lɛ́ bɛndoo. A simulnin nɔm ba-ba fee a kɔ̀ɔ̀la cɔwla bɛndulan a lapɔmbɔlan, a mɔsilta cɔwlan. I viamnin nda le yamɛi nɔmnde kiolɔɔ, a kialunin yamɛi nɔmnde mɛɛ tɔŋnda ndalan la co yɛ.

Esekiɛl 26:7

Kani nuaa Maalii, o co Mɛlɛka-o dimi ni aa: «I viamnin Nebukanɛsar masaa Babilɔn, masa hiow masaa-o, mò cɛn a maluaŋ, mò hinul kobio Tir a soa, a ɲɛla ɲaanannda soa nan-ndan, a vanaa ɲaanun a soa-a, a vanaa cɔwva taw-taw, a sɛ́lɛ́ bɛndu-bɛndoo kɔɔli.

Talelan 31:21

Siòòŋii bii ndu a hoeiye le yungu ndɔɔ le, kani o ndu lo cɛinin kpede, vana-vana nɔ volɔɔla ihoeilan.