Nahum 2:13 - BII BILA

¹³ Yàlà piaandu va kon visia diwvo le cuavaa ndɔa, mí ndóò va nda sɛɛsiaa le yàlàá ndɔa laandua-o, ó va kon bɛ̀mɛ́lta ndɔlan peiyo a ɲɛmahiloo-o, kuɛɛ nɛ o co yɛ niko?

Nahum 2:13 Referans Kwoze

Nahum 3:5

Diom Mɛlɛka-Nɔ-Kpaayaa-Kpow-vo dimi-o co hoo ni aa: ‹Má cè ya nɔm kuello! I co bɔɔla doma nɔm bɛndoo heelu nɔm o hɔl, mì soli tun fondo nɔmndo vanaa-mangalaa-isɔɔa o hɔl, mì tɛɛmbuu nɔm bɛɛlan masɛi o hɔl.

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

2Masaa 19:23

Nɔm, ma viam kiilaa le hunɔɔ Mɛlɛka yeowlan. Ma dimi aa: Ya Sennakerib, mí hel o pembon Liban tullo a ɲɛla ɲaanannda nila sɛ́lɛ́ bɛndula soa nan-ndan, le kɔlan yɔmii sɛɛdrii ndɔɛi hiow naŋɔɔ-e a siprɛsii ndɔɛi hiow bandei-ye kiolɔɔ. Mí tiiya o cieo kɔllo déŋ, mí kialu yɔmii tɔalɛi hiow bandei-ye.

Nahum 3:1

«Dɛnɛ palaa co le kobi diuvaa n'vanndo ho. Kobi pɛ hoo a kafalan a á kɔlvesɛiyo-o, o co hoo hiovɔɔ laci a vannda delɔɔ coo-o pɛɛn.

Esekiɛl 5:8

le kɔlɔ kon ya Maalii, ya co Mɛlɛka-o dimi ni maa ya bɛɛ, i co niaa mululɔn. I kialunin yamɛi mì tuisi niaa sangalan coo vanaa-mangalaa-isɔɔa o hɔl.

2Masaa 19:9

Kani nuaa masaa Asiri ndóò tuei yoongoo ni aa Tirhaka masaa Etiopii co ndu hinullo a cɔwvo. O kon, mí masaa Asiri vim Esekia kiilaa, má kɔ dimul ndu aa:

Yosue 11:9

Mí Yosue tosa a nda mɛɛ Mɛlɛka ndóò dimul ndu yɛ, mó kili soa ndaa tɔndikɔɔlion, mó loam ɲɛla ɲaanannda ndala soa nan-ndan.

Nahum 3:12

«Fondala mayoomula nɔmndan kpow, maa voosun diw yɛnguu-yɛnguuon la co ni. Vana hiiluu dɔ́ɔ́ pɛ vosu tumndo, n cɛɛlun vana yeema le mun dioo-o o sondo.

Esekiɛl 39:1

Nɔm Po vanacieo sei, tɛɛngul Kɔk diom Hala-o a dɛnɛ palaa toalnin ndu coo-o. Dimul ndu aa: Nuaa Maalii, o co Mɛlɛka-o dimi ni aa: «Má cè ya nɔm cɔlɔbaa, nɔm Kɔk, nɔm simlacinɔ lebollo le Mesɛk a Tubal!

Esekiɛl 38:3

Dimul ndu aa nuaa Maalii, o co Mɛlɛka-o soo ni aa: ‹Nɔm Kɔk, má cè ya nɔm cɔlɔbaa! Nɔm simlacinɔ lebollo Mesɛk a Tubal!

Esekiɛl 35:3

Dimul ndi aa nuaa Maalii, o co Mɛlɛka-o dimi ni aa: ‹Má cè ya nɔm hinullo, nɔm pembei Seir! I cii nɔm soŋɔ̀ɔ̀ a ba nuu, mí siinguu nɔm lɛŋnde tambɛilen a lɛŋnde piɔl vɔ́-vɔ́ len!

Esekiɛl 29:10

Lelan, má cè ya ndu pila a peela ndɔlan hinullo, nduyɛ, i siinguunin Esipte lɛŋnde piɔlɛilen. Le siŋnunnin lɛŋnde piɔlɛilen a lɛŋnde poli vesɛilen: kandɔɔ a Mikdɔl, keiyo a Siɛn, kɔlan tiiyaa háá o pɛɛngulan a lɛŋnde Etiopii len.

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

Esekiɛl 28:22

Dimul ndu aa nuaa Maalii, o co Mɛlɛka-o soo ni aa: ‹Má cè ya nɔm kuello, nɔm (kobio) Sidɔn! I cɔmnin biilu nuu o nɔm tɛɛn. O kon, telen ya kialunin yaman kobio Sidɔn mì tuisi ndu sangalan coo-o, vannda sinanin maa ya co Mɛlɛka ni. Lende ya cɔmnin diondɔɔ nuu o kobi kalaa tɛɛn ni.

Esekiɛl 26:3

Lelan nuaa Maalii, o co Mɛlɛka-o dimi ni aa: ‹Nɔm kobio Tir, má cè ya nɔm kuello. I yaanin vannda sɛ́lɛ́ bɛndoo taw mà kɔ del nɔm coo mɛɛ mɛmma ihɛllan ma biiŋun a kpaayaa nuaa yɛ.

Yeremi 51:25

«Nɔm ya bii tɔ́ɔ́yaa ni, nɔm Babilɔn, nɔm pembii va lɛŋnden kpede tɛɛmbuuo-e, i co nɔm baa holɔɔ, mì ɲindu nɔm fulaa o powta kpovalan coo, mì mɛndul nɔm yinnde bɛndulen coo.

Yeremi 50:31

Niaa ya bii tɛɛ ni, niaa Babilɔŋaa yongaa ha. Ya Maalii, Mɛlɛka-Nɔ-Kpaayaa-Kpow-vo dimi lende ni. Telen nɔmndo tiiya, telen ya can le mɔnɛ soli a nɔm-ndo pɛɛn!

2Dɛnnda lemasalan 32:19

Má dimi sɔɔn a Hala Yerusalɛmnda o kɔɔ mɛɛ ndáà dema mun dimi a halaa vanaa-mangalaa-isɔaa tɔ̀a yɛ, halaa kan yɛ nda, vanndacieea cɔw nda ni.

2Masaa 18:19

Mí bolle vanaa yɔngù masaa Asiri mɔiyan-nda dimul nda aa: «La kɔ dimul Esekia aa diom masaa bɛndoo dimi-o co hoo ni, masaa Asiri pɛɛn aa: ‹Ɔ́ɔ̀ ɲɛ n tiindan-ndo?

2Masaa 18:17

Masaa Asiri lo Lakis, mó viam simlacinɔ tase vanaa ndɔa cɔwva, bolle vanaa bɛndua va ndu o ba bɛngu-a a bolle vanaa yɔngù masaa mɔiyan-nda o Esekia lo Yerusalɛm. Mí vanaa kan kɔa a vanaa cɔwva taw kɔɔli. Ndáà tiiyaa, má kɔ sim o soon mamɛn co a ba luaŋ-ndo-o, o nɛi kɔɛ a ba yondo vanaa tɔaa lavolɔɔa-o.

Yosue 11:6

O kon mí Mɛlɛka dimul Yosue aa: «Siòòŋii bii nɔm a nda le, kani siɔdii a telen vaa nuaa kpafii, i tosanin mà deli a yɔŋulɛiya Israɛlla o ba. A kilinin soa ndaa tɔndikɔɔlion, mà lumi ɲɛla ɲaanannda ndala soa nan-ndan.»

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Esekiɛl 13:8

Le hee, la tuei-yɔ ɲɛ ya Maalii, o co Mɛlɛka-o dimi-o: Le tùú sɔɛi niɛi co sɔɛi fondoei-yo, le tùú vunduma niaan ma co còòlan-ndo, ya pila i cɛn le niaa cɔlɔbaa. Ya Maalii, ya co Mɛlɛka-o soo nuaa ni.

Esekiɛl 21:3

Dimul bundɛ co kon a ba too-o aa: ‹Yaŋ nilan o sɔɛi Mɛlɛka-e!› Nuaa Maalii Hala dimi ni aa: ‹Ya, i co yinnden malɔɔ nɔm nin, mì yinnde len le lom yɔmii keyɛiye a yɔmii vesɛii co nɔm nin-nde kpow, yinnde len le ɲumnin te, nduyɛ, le lonin biyɔɔ lende háá mì vannda kpow a cuu ŋɔ, kandɔɔ a ba too haa a ba luaŋ-ndo.

Nahum 2:12

Vɛɛ nɛ foofola yàlàá ha la yɔŋnun yɛ? Lenin yàlàà cuawva va baloo dioo ni. Yàlà piaandoo ndóò kɔ bɛɛ doosulen, vanaa óò kpeeŋiaa cuavaa ndɔa le.

Nahum 3:15

Kɛ niaa yɛ, la vunin o yinnde nin, yinnde vanin kobi niaa lomɔɔ len pɛɛn, te kon te la vunin o mɔɛi cɔwve bɛngu. La cɛɛlunnin mɛɛ kamballa cɛɛluu billo nuaa yɛ.» «La va a cuungiannda nɛɛ pilɛ maa n'kambala, niáà kui vɛ́ɛ́lɛ̀-vɛ̀ɛ̀lɛ̀ maa n'sóónɔ.