Nahum 2:11 - BII BILA

¹¹ N'tiŋ cɔwvian, n'pum tɛɛmbun, n'pum puunun! Ninivea vi n'diallon pɛ́! Vulan la co nda ɲiiyaa, nda pila yɔŋnun lɔngulɔn, hɔlla mangalan nda yifidii.»

Nahum 2:11 Referans Kwoze

Esai 5:29

Vana tuɛi ko vanaa kan diom aa yàlà laandoo co kuuliaa ni. Vana tuei nda pɛ hiiliaa a yàlàà téndéa ni, a kula pɛ, a bii ɲɛ nda va mɛngɛlaa-o, a kɔɛnnun a ndu, vana-vana helu ndu nda o ba le.

Yeremi 2:15

Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Nahum 3:1

«Dɛnɛ palaa co le kobi diuvaa n'vanndo ho. Kobi pɛ hoo a kafalan a á kɔlvesɛiyo-o, o co hoo hiovɔɔ laci a vannda delɔɔ coo-o pɛɛn.

Yeremi 50:44

I vanin maa yàlá co fulaa o bɔɔ nin, o peo Yudɛn kɔngɔ, le kɔlan o hèéo-o. I co vannda piɔlɔɔ o lepilɔɔ sunsun, o kon mì suili masa ya yeema-o Babilɔn. Kani nɛ̀ɛ́ co yɛ maa ya? Nɛ̀ɛ́ tɔɔndan yɛ mò ɲuna ya konaa? Ɔ́ɔ̀ vana mandaa n'cɔlu nɔla ya simullo-o?

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esai 31:4

Kani nuaa Mɛlɛka dimul-la ni aa: «Te yàlà piaandoo te kon te yàlà téndóó bii pɛ ɲɔɔ, hali vanaa mandaa n'cɔlua kpow cuungian bɛɛ le ndu ɲɛ kon hiɔlɔɔ o ba, siòòŋii bii ndu a vɔkɔ-vɔkɔ ndaa le, kɔl hiilun ndu a sɛ́lɛ́ nda bɛndoo le, kɛ pɛɛliaa o pɛɛliaa ni le kungulanndo o ɲɛ kon coo. Lende koni Mɛlɛka-Nɔ-Kpaayaa-Kpow-vo toalnin le cɔwvo tosaa o pembei Siɔn coo ni, pembii ndɔɛi pɛɛn.

O Kandɔɔ 49:9

A toɲa, Yuda, yàlà téndóó n co ni. Po nuu, a fula pɛlɛlen má hun biɔmnun maa yàlà. Vana ca nɔm ko o biamnanndo a yàlàá kpeekpei ni. Nɛ̀ɛ́-nɛ̀ nɔla yɛ mò cua nɔm isisi lon?

Kundalan 23:24

Vannda ha, vana ce nda pɛ cɔnɔnndo aa yàlàá ni, vana ce nda pɛ huuloo aa yàlà co ɲɛdiaa nuwviaa-o ni. O hínì le fɔ mò de ɲɛ o co mɛngɛlaa-o, mò kol kooma visia o bii-a.»

Esekiɛl 32:2

«Po vanacieo sei! Soli condii biisiei Faraɔnnɔɔ coo, masaa Esipte pɛɛn, mà dimul ndu aa: ‹A yàlà téndóó nɔm óò velan vanaa-mangalaa-isɔɔa tɛɛn ni. A va paandu maa kui va o mɛmma ihɛllan nin-ndo. A va ciikiaa o peela nɔmndan nin ma va mɛnndan lindaa a labɛngu. A va yeelio kalaŋaa o tɛiyun peela lan nin.›

Misee 5:6

«Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.

Nahum 2:12

Vɛɛ nɛ foofola yàlàá ha la yɔŋnun yɛ? Lenin yàlàà cuawva va baloo dioo ni. Yàlà piaandoo ndóò kɔ bɛɛ doosulen, vanaa óò kpeeŋiaa cuavaa ndɔa le.

Esai 13:7

Le hee, bala vannda kpow la fula yoomuan, kɔllo hiilun vanaciee oo vanaciee nin.

Yɔɛl 2:6

Vanaa súúla celen a yɔŋnun nda laci yoloma-yoloma a siòònde. Hɔlla yɔŋnun nda yifidii a siòòŋii bɛnduei.