Nahum 2:10 - BII BILA

¹⁰ La koeindi volion a sianion cɛilan nin. Bolofaa co o kobio ho nin-ndo cuu cua le, ɲɛm sɔvɛn súú-súù ka n co n'piaa lenin ca.

Nahum 2:10 Referans Kwoze

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Yɔɛl 2:6

Vanaa súúla celen a yɔŋnun nda laci yoloma-yoloma a siòònde. Hɔlla yɔŋnun nda yifidii a siòòŋii bɛnduei.

Daniɛl 5:6

Mí siòònde bii ndu taw háá mí hɔlaa ndɔa mangalan. Mí yiyannda ndɔlan la laasian, mí boondun caŋaa ndɔa n yɔɔlian, mí vulan la ɲiiya ndu nákà-nàkà.

Yeremi 30:6

La ɲuuniaa vɔ hau sɔɛi ken mì la sina, te la ce nin vanapɔnɔɔ violɔɔ. Le yɛɛ nɛ ya co yɛ niko vanpiaandua kpow cɔu a balan nda o demboo coo mɛɛ dembe can vanalanɔ nɛi le violɔɔ? Le yɛɛ nɛ nda suuma yɛ má yii hɔlla nuaa?

Esai 24:1

La tofa vɔ, Mɛlɛka co lɛŋnden yɛɛvɛ dɔvɔɔ mò salu ɲɛ-ɲɛ co lecoo mì le lo fondo. O puusiaanin nden mò sɛŋi vanndacieea co icali lecoo-a.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Nahum 3:7

O kon, vana-vana ce nɔm pɛ, o ɲaanun, o dimi aa: ‹Kpòkóó, Ninive tambu fɔ́! Nɛ̀ɛ́-nɛ̀ tuinun yɛnin ndu iɲíí?›»

Yeremi 51:62

O kon a dimi aa: ‹Mɛlɛka, nɔm pila dimi ndi lɔ́ɔ́ kon ni, aa kobio ho tambunin, aa cɔlu lonin te, vanaciee lonin te, maa o siŋnunnin pɔmndo le lɔ́ɔ́-lɔ́ɔ̀.›

Esai 14:23

I co fonda kon siinguu bɛ̀mɛ́lta saiya, i siinguunin ndu fonda ɲulu bɔɔdɔɔ-o. I basunin ndu a bɛsu tɛɛmbuu ɲɛ-ɲɛ-o. Mɛlɛka-Nɔ-Kpaayaa-Kpow-vo dimi lende ni.

Yosue 2:11

Kabi naa n tuei sɔɔn mun, mí kɔlta naalan la laasian, nduyɛ vana-vana nɔ lɛ mayoomu le niaa simullo le. Kani Mɛlɛka Hala niaa co Hala co coocoo o halataala, a lɛŋ o ceendo coo-o ni.

O Kandɔɔ 1:2

Lɛŋnden le va tulumasaa, ɲɛ-ɲɛ ve lecoo le. Ɲumma bɛndu-bɛnduan ma va matoalaa kpingbi o mɛnndan coo. Kɔl Hala-o va o pɛɛngaa o mɛmma man coo.

Yosue 7:5

Mí vannda Ai diw Israɛlla beleyaa a à ŋɔmpum. Má kandu nda ɲaanɔnndo kɔɔli cɔnɔnndo o dio kobio háá Sebarim. Má koaŋ nda koŋɔɔ pila o pembei tolɔɔ. Mí Israɛlla laasian kɔltan, má fula mayoomu.

Yeremi 8:21

Sanga bɛndoo co vanaa nia coo, mɔnɛi co ya o kɔl, diallon n vi ya.

Yeremi 49:23

A Damas o kɔɔ. Kobio Hamat a kobio Arpad a tuei yoongu vɔɔndo pum. Siɛmbulan la bii kobila lan. A muungu yulan-yulan maa mɛmma ihɛlma biiŋuamma nɔla calle le-an.

Esekiɛl 21:7

‹Po vanacieo sei, muli hɔlla a kpengii Yerusalɛm-nde, má tɛɛnguu diom Hala-o a tambii sooluula ndalan la tambunin-nde o kɔɔ!›

Esekiɛl 31:15

Nuaa Maalii, o co Mɛlɛka-o dimi ni aa: «Paale yɔm sɛɛdre bɛndu kon tol ciee-piɔ́m nden, mí saŋ dɛnɛ biisi ndɔɔ o lɛŋnden coo, mí kumbu soon bɛndu co lɛŋ-ndo le ndu, mí bii mɛmma pee bɛnduan, mí mɛmma bɛndu-bɛnduan ma sim, mí tuisi ɲumndan o pembei Liban coo le ndu, mí yɔmii co yondoo nin-nde kpow i vesa kékélé le ndu.

Nahum 2:2

«Vanaa vɔɔnda co nɔm kuello, nɔm Ninive! Bɛɛndiaa vanaa nɔmaa cɔwva le fondala mayoomulan kandaa dɛ! La vá cumullo o nɛilan coo mì la bɛɛndian le cɔwvo. La sim a yoomuma niaan kpede.