Nahum 2:1 - BII BILA

¹ «Vannda Yuda sei! La tofa vɔ kiilaa hunɔɔ o pembon coo a yoongu kɛndɔɔ, Yoongu kɛndɛ kɔlɲuloo pɛɛn. Lelan, la tosa kafola niaala lekaanndan. La cuu Hala ɲɛm niaa bàá yoolen o ndu lo-on. Kani vana tɛɛmbua n'vanndo luei lɛnin o lɛŋnde niaalen nin te. O tambu mó ɲum bombo cú!»

Nahum 2:1 Referans Kwoze

2Dɛnnda lemasalan 25:8

Taa kɔɛ pɛ a nda, mɛ̀ɛ́-mɛ̀ɛ́ n tosa cɔwvo a yoomuma nɔmndan kpow, Hala co tosa mà del yaamɔɔa o ba, kani Hala nɔ kpaaya o mala vana-o ni, ndu koni nɔ vɛlɛ kpaaya tosa mì vana del-lo ni.»

Yeremi 50:23

Babilɔn va kunduva va ceendo kpede pesio-o ni. O piɔl mó kui tɛndulan vàá pilɛ. La ce dɛnɛ nɛ? Babilɔn siŋnun fonda calii hɛnan vana loo vanaa-mangalaa-isɔɔa tɛɛn. Kámáá la ce dɛnɛ!

Esai 14:6

Vana va vanaa súúla celen lɔɔ a kɔltuw bɛndoo o ve pɛngi loo, vana va vanaa-mangalaa-isɔɔa bɛpɛlaa a kɔlfulaa taw-vo pɛɛn, ndu bɛɛ, a tisa ndu kɔɔli a labɛɛla kpeekpei!

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Condii lisai 65:2

Biiloo co le nɔm Hala co Siɔn-ndo. N peelunin ciɛ́ɔn naa n cua o nɔm ndo-on,

Esai 29:7

Mɛɛ lɔma sɔlaan ma co nuaa yɛ, mɛɛ vundule yilɛnnden le tosan icɔl nuaa yɛ, lende koni ɲɔɔ tosalannin sɛ́lɛ́ bɛndu vanaa-mangalaa-isɔaa vanin cɔwvo tosaa a kobio Ariɛl-la ni, lende koni ɲɔɔ tosalannin vanaa cɔvaa co lenin-nda ni, lende kungala-saasaala nda baŋ le ndu delɔɔ coo a cɔwvo lan la vanin ni, lende vanaa tiila ndu-a vanin ni.

Esai 29:8

Ɲɔɔ tosannin maa mɛɛ vana yiaan ma co nɛiyo-o sɔl lɔan mo va ɲɛdiaa dioo o lɔma sɔlaama man nin yɛ. Kɛ te o tendu pɛ, o sinan maa dembe ndɔɔ connun fondo, te kon te maa mɛɛ vana kolɔɔ bii-o sɔl lɔan mo va kolɔɔ nuaa yɛ, kɛ o tendu pɛ, o yɔŋnun fando-fando, o sinan bolole vesɛilen. Lende ɲɔɔ tosalannin sɛ́lɛ́ bɛndu vanaa-mangalaa-isɔɔa del pembei Siɔn coo a cɔwvo-a ni.

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»