Nahum 1:9 - BII BILA

⁹ «Vɛ̀ɛ̀ niaa co yɛ yiyanndo a Mɛlɛka o kɔɔ? Ndu co yaamɔaa niaa tɛɛmbuuo ni, o kon dɛnɛ palaa tul lɛnin niaa coo o diinndɔɔ le.

Nahum 1:9 Referans Kwoze

Condii lisai 33:10

Mɛlɛka cii tuula vanaa-mangalaa-isɔɔa puusiaa, mó tɛɛmbuu kɛɛsuula vannda súúla celennda.

Condii lisai 21:11

A tɛɛmbuunin cuavaa ndaa o lɛŋnden coo, mà tɛɛmbuu yɛyii ndɛi o vanndacieea tɛɛn.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Nahum 1:11

O nɔm Ninive nin vana kon fula ni, vana va kon tuuvo le Mɛlɛka ciŋilanndo-o, ó va kon tuula tɛɛmbualan bɛɛndiaa-o pɛɛn.

1Samiɛl 26:8

Mí Abisai dimul David aa: «Hala cii haw yaamɔɔ nɔmndo malɔɔ nɔm o ba. Lelan cɛl mì kɔ baŋ ndu lɛŋ o lepilɔɔ a bál ndɔɔ, o lepilɔɔ kpé, i peinin lediin te few.»

1Samiɛl 3:12

Paale len, i tosanin ɲɛ yáà tuu le Helii nda yungu ndɔɔ tuisio coo-o, i mɛinin ɲɛ-ɲɛ le.

2Samiɛl 20:10

Amasa ve sina maa Yoab ndóò nɔ mɔɛi cɔwve o baa pilɔɔ le. Mí Yoab cɔaŋ mɔɛi cɔvii ken Amasa o dembe lepilɛ kpé, mí pulun ndɔn hulun lɛŋ. O pei ndu cukɔɔ lediin te, mí Amasa vu. O kon kɔɔli, mí Yoab nda Abisai pɔmbɔ ndɔ a mɛi ndu lon, má hiawnun Seba, po Bikri-o nuwviaa.

Esai 28:22

Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.

Yeremi 51:64

O kon a dimi aa: ‹Nuaa Babilɔn co hunɔɔ lo ni pɛ, yukpɛɛ bɛɛ o cuenin bollen o dɛnɛ palaa Mɛlɛka tuisinin ndu coo-o bɛngu le.› Sanga fondoo fúú vanndacieea co ni.» Nanu sɔɔn Yeremi-on mɛɛlu ni.

Esekiɛl 7:5

Nuaa Maalii, o co Mɛlɛka-o soo ni aa: «Dɛnɛ palaa tiiya fɔ́! Dɛnɛ palaa nɔ velan too co o nɛi. Má cè ndu hunɔɔ súlùlù!

Esekiɛl 21:5

O kon, mí (ya Esekiɛl) dimi aa: ‹Éé Maalii, Mɛlɛka nuu, vanaa kan co dimio a ya o kɔɔ aa talelan koni ya co dimio a miinguuvo ni.›

Osee 7:15

Ya yɛ, ya pɛɛku nda ni, ya luei bala ndalan yoomuan ni, kɛ yiyan vɔɔndo koni nda nɔ a ya ni.