Nahum 1:8 - BII BILA

⁸ tuma kpundɔɔ hun maa mɛmma hunaa-o. Kɛ o toaw yaamɔaa ndɔa o ɲumma piɔ́mndan nin, mò tɛɛmbuu nda kpede.»

Nahum 1:8 Referans Kwoze

Esekiɛl 13:13

Ɲɛ Maalii Hala dimi-o co hoo ni aa: «I tuisinin hoeyii fùkù-fùkùei o kɔl ni tuwvo nin. O kɔl ni fulaa nin, i tuisinin piɔɔ bɛndu-bɛndoo, mì loeon deli a kɔltuwvo le ɲɛ-ɲɛ yoomaa ciiyo diwvo kpede.

Esai 28:17

I siinguunin sakpoyɛi yoole tuvaalen, mì siinguu dɛnɛ sandaa pɛngɛi nda tuu sandii ɲɔɔn-nde. Kɛ loeon delian kɔandunin vanafondoyɛi niaa venun nin-nde, mì mɛnndan ma tiw o yasabaa lacòòvaa niaa cal nin-ndo nin.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Sofoni 2:13

Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.

Amɔs 8:8

Le hee, lɛŋnden le hiilunnin, mì dɛnɛ palaa tol vanaa co icali lenin-nda coo. Lɛŋnden le dɔawnunnin yɛɛvɛ, mì le hel fúkɛ̀-fùkɛ̀ mɛɛ pee bɛndoo Nil hun nuaa, mì mɛnndan ma fula fasaka-fasaka yɛ. Le biiŋun pɛ lende, le toalnin vɛlɛ maa mɛnndan o peo bɛndu kon Esipte.

Matie 8:12

Kɛ mà viow vanáà bɛnda le masalen loo kɛɔ-va o ɲumndan nin o bɛ́ɛ̀, nɛɛ vannda vanin caŋndan a ciŋndon sɔmndo-a.»

Matie 7:27

Mɛɛ piɔɔ sia, mí mɛnndan ma hun, mí hoeiye hɔŋ, mí i lɔaa cɛi kalaa, mó komba, mó tambu tambei pila.»

Nahum 2:8

Piɔm laandu va lon-ndo solin ceen, a kɔɛnnun a ndu. Vanlaandua va baalaa tosaa o cɛi piɔm kon nin-nda co koŋullo maa n'poonpoon, a co balan handɔnndo o takpa a mɔnɛi.

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Daniɛl 11:22

Kunda vanaa cɔw súú-súù nɔlanin ndu le. O fukpanin vanaa cɔwva háá mò yimiyimi nda, mò dii vana co bolle kpemaa-o.

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Talelan 4:19

Kɛ maa maɲum nɛi vanaa kɔlvesɛiya co ni. À sinà ɲɛ nda keinin koondan mà del-lo le.

SƐBƐ YƆB-O 30:15

Dɛnɛ yulan-yulan súú-súù ka ciŋilan ya, vana sɔvɛyɛi nii kɔɛnnun mɛɛ ɲɔɔ kɔannun o hoeiye nin yɛ. Dɛnɛ ni kɛndɔɔ mɔɲa-mɔɲa maa yumbuyumbu.

Daniɛl 11:10

Cuavaa masaa a ba luaŋ-ndo a bɛɛndiannin le cɔwvo. Mà cuungiaa vanaa cɔwva taw, mà sɔɔnguu, mà coŋ nda coo maa mɛmma hunaa. A luɛinin ma del ndu coo a cɔwvo háá o kobi nda kunga a kpakio-o nin.

SƐBƐ YƆB-O 40:11

Saŋ-ndɔ hau kɔltuw nɔmndo, tofa vɔ vanaa yongaa kpow o lepilɔɔ ma tuisi nda siɛmbulan.

Esai 13:9

La tofa vɔ, paale Mɛlɛka len tiiyaa, paale kpundɛlen, paale kɔltuwlen a paale kɔltuw bɛndulen le co ni. Paale len, lɛŋnden le vanin a mɔnɛi bɛnduei, vanaa lahakia vunin faw.

Esai 13:10

Kani loeon a mɔmtombolaa co o halataala-o yɔngu lɛnin pangelela ndalan te. Paalen le piimiaanin telen le kandunin cɔnɔnndo-o, paangei bɛɛ, i ve lɛnin diondɔɔ le.

Esai 28:2

Kani tofa vɔ, Maalii nɔ langbanɔ mayoomu nɔ kpaayaa-o o ba, kpaaya ndɔɔ co maa piɔɔ loeon deliaa, maa hoeyii fùkù-fùkùi tɛɛmbuu ɲɔɔn-nde, maa piɔɔ hoeyii bɛndu tosa mi mɛnndan ma pɛ o peela pɔmbɔlan, mi ma va ɲindɔɔ taw-ve. O ɲindunin mɔsil lemasa kon lɛŋ dí a kɔltuwvo.

Yeremi 51:64

O kon a dimi aa: ‹Nuaa Babilɔn co hunɔɔ lo ni pɛ, yukpɛɛ bɛɛ o cuenin bollen o dɛnɛ palaa Mɛlɛka tuisinin ndu coo-o bɛngu le.› Sanga fondoo fúú vanndacieea co ni.» Nanu sɔɔn Yeremi-on mɛɛlu ni.

1Samiɛl 2:9

Ndu manda vana lo o lediom coo-o ni, kɛ vanaa kɔlvesɛiya nda, o ɲumndan nin nda laasiàn ni. Kani vanacieo tiwba ɲɛ-ɲɛ sɔla a kpaaya ndɔɔ le.

Esai 28:18

Kpema co piɔ́mndo tɛɛn a niaa-o tambunin, cɛlan co niaa tɛɛn a ciee-piɔ́m-ndo lonin te. Te kpundɛ bɛndu kon del pɛ, o nɛwnin niaa, mò pesipesi niaa.