Nahum 1:7 - BII BILA

⁷ Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Nahum 1:7 Referans Kwoze

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Cɛɛŋɔnnda Yeremi lan 3:25

Mɛlɛka naŋ le vana kɛsi ndu kɔllo coo-o, le vana co ndu nuwviaa-o.

Nsaŋ 10:14

Ya co vana mandaa n'saa kɛndɔɔ ni. I sina saa nia, saa nia bɛɛ a sina ya,

Condii lisai 100:5

Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.

Condii lisai 27:5

Kani o palɛi dɛnɛ palɛi nin, o mandanin ya o ndu lo cɛinin, mò ven ya o cɛi-kola-toandaa ndɔɔ nin. O heelunin ya o pow kpovaa coo, ɲɛ-ɲɛ komalnin ya lon te.

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

Kalatea 4:9

Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

Esai 25:4

Kani nɔm yɔŋnun nɛɛ viannannda le vanaa nɔ mayoomu le-a ni. Nɔm yɔŋnun nɛɛ viannannda le vanaa bala fondoa va o mɔnɛi nin-nda ni. Nɔm yɔŋnun nɛɛ viannannda le hoeyii fùkù-fùkùi va hɔŋndo-e ni, nɔm yɔŋnun vunduan le hangul lepalaa vionnɔnndo ni. Bau hoeyii kɔltuvii fula vanaa kɔlvesɛiya o milin-nde, maa hoeyii fùkù-fùkùi co kundɔnndo o kpakio-e i co ni,

1Dɛnnda lemasalan 16:34

La biilu Mɛlɛka, kani o naŋ, ɲíí ndɔɛi co le fɛɛn a fɛɛn.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Condii lisai 86:7

Dɛnɛ palaa tol-la pɛ coo, i piɛi nɔm, kani a mululnin ya.

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Condii lisai 25:8

Mɛlɛka naŋ, o sandu bɔɔ! Ndu cɔ̀m vanaa lahakia mɛɛ nda bɛnda mà kela yɛ ni.

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Condii lisai 71:3

Siŋnun pow kpovaa le ya, o ya viannun nin-ndo, nɛɛ ya nɔla hunɔɔ vionnɔnndo lɔ́ɔ́-lɔ́ɔ̀-a, haliko mì sɔla cindaa. Kani nɔm co pow kpova nuu a kpaki nuu ni.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Condii lisai 59:16

A co kelaa ilaasi-laasiei ɲɛdiaa nuwviaa, taa seelun ɲɛ-ɲɛ le, a lɔl ŋɔɔcianndo pii.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Daniɛl 6:23

Hala nuu vem mɛlɛkanɔ ndɔɔ, mó hun kinda yàlàá sondolan. A tosal-la ɲɛ-ɲɛ vɔɔn te, kani i sandu Hala nuu o hɔl. Hali nɔm masaa o hɔl, i tosa dɛnɛ vɔɔn te.»

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Matie 7:23

O kon, i dimulnin nda aa: «Lepilɛ bɛɛ i sina niaa le. La faŋan ya, niaa vanaa tosaa dɛnnda vɔɔnda ha!»

Ɛsdras 3:11

Má soli condun lisan a condun malaa balikan o polalen a pilɛn-pilɛnnda le Mɛlɛka biiloo, má va dimio o condei nin aa: «Mɛlɛka naŋ bɔɔ! Vanakɛndɛyɛi ndɔɛi, i co le Israɛl le fɛɛn a fɛɛn!» O kon mí vannda kpow deŋi coocoo kpélén le Mɛlɛka lisaa le tùú nda va Cɛi biilaa ndɔɔ kilaa-o.

2Dɛnnda lemasalan 32:11

Vɛ̀ɛ̀ o co yɛɛvɔɔ le Esekia co niaa dɔvɔɔ ho nuaa le niaa diwvo a yiaan a á bolola vesɛilan te? O co niaa dimullo aa: Mɛlɛka Hala naa baŋanin naa masaa Asiri o ba.

2Dɛnnda lemasalan 32:8

Ndu ndu, kpaaya vanndacieea co ndu o ba ni, kɛ naa naa, Mɛlɛka Hala naa co naa ikɛi ni le naa malaa a le cɔwvo tosaa le naa.» Mí sɔɔn Esekia masaa Yuda dimi mun-ndon luei vannda yoomuan.

1Dɛnnda lemasalan 5:20

Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

Condii lisai 20:1

Condii David-e, í fula o condun simlacinɔ vanaa n'condua nin-nde.

Condii lisai 37:39

Mɛlɛka o ba cinda vanaa sandaa fula ni. Ndu co fonda mayoomu ndaa o telen dɛnɛ palaa nin ni.

Condii lisai 37:40

Mɛlɛka co nda malaa, o co nda baŋaa. O co nda hiɔlɔɔ vanaa kɔlvesɛiya o ba. O co nda ciindiaa le tùú nda vennun ndu o ba bɛngu-o.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 17:17

Tosa mì siòònde bii ya mì ɲiiya le, nɔm co nɛɛ nia viannannda o paale dɛnɛ palaalen coo ni.

Yeremi 24:5

«Sɔɛi ya Mɛlɛka Hala Israɛlla dimi-e co hee ni: Mɛɛ voosun kɛndɔn n naŋ o tofaa yɛ, lende koni ya co vanaa nda bii haa Yuda, mí toaw nda nanu, má kɔa a nda háá Babilɔn-nda co ni.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

2Dɛnnda lemasalan 13:18

Mí siɛmbulan la bii Israɛlla biyɔɔ pila, mí vanaa cɔwva Yuda nɔla nda, kani Mɛlɛka, Hala fuɲaa ndaa mamaa ndáà tiindan ni.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Condii lisai 46:2

Hala co nɛɛ viannaŋaa naa a kpaki naa ni, vana co naa malaa lɔ́ɔ́-lɔ́ɔ̀ o buulanndan nin-ndo.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!