Nahum 1:5 - BII BILA

⁵ Mɛlɛka tosa ni mì pembun bɛndon ɲiiya, mì pembun pɔmbɔn piɔsi. Ɲiiyaa lɛŋnden le ɲiiya ndu o hɔl ni, lɛŋnden a vanaa co le coo-a kpow.

Nahum 1:5 Referans Kwoze

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Yeremi 4:24

Mí tofa pembon, n va ɲiiyaa, mí mɛɛndian buubuuon kpow, n va hiilɔnndo.

2Samiɛl 22:8

Mí lɛŋnden le hiilun, mí le ɲiiya, mí nɛɛ halataalaa kɛsi tumndo-a hiilun yongban-yongban. A toɲa, mí lɛŋnden a halataala biiŋun le tùú Mɛlɛka ndóò tuulu kɔl-lo.

Habakuk 3:10

Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.

Condii lisai 68:8

Òó Hala! Telen n fula ma va kɔlan vanaa nɔmnda laci-o, lɔ́ɔ́ n va kɔlan o lɛŋnde veselɛilen nin-ndo,

Masaa kialaa n'yamaa 5:5

Pembon va ɲiiyaa Mɛlɛka o hɔl, Hala Sinai-yo, Mɛlɛka Hala Israɛlla pɛɛn.

Condii lisai 114:6

mí niaa pembon va huuluuo maa saa laandu, mí buubuuon va huuluuo maa saa téndé?

Condii lisai 114:4

mí pembon n huuluu maa saa laandu, mí buubuuon n huuluu maa saa téndé.

Condii lisai 98:7

Màá mɛmma ihɛllan, ɲɛm co lenin-ndon a vanaa co o lɛŋnden coo-a kpow a deŋi a ɲaaloo!

Condii lisai 46:6

Hala co o kobi kon kɔllo, o delnin te, idii púŋ, o pena ndu mala.

Fulaa 19:18

Mí kumnde mial pembei Sinai, kani Mɛlɛka ndóò tol lon o yinnde bɛndulen nin. Mí kumnde va helɔɔ mɛɛ i fula o tóndó bɛndu leyinndo nin nuaa yɛ. Mí pembei kpow i hiilun voku-voku.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Matie 28:2

Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo.

Matie 27:51

O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa,

Dɛnnda cɔɔmuanndan 6:14

Mí halataalaa hiaw a simbulɔnndo maa mɛɛ vana simbul sɛbɔɔ nuaa yɛ, mí pembon kpow a tiŋndan la faŋan o fondala ndalan.

Condii lisai 18:7

O sanga nuu nin, mí ɲuna Mɛlɛka le malaa sɔlaa, mí yonnda kpélén Hala nuu o lani. O lo o cɛi ndɔ lemasaa nin, mó tuɛi ya diom, mí diom nuu tiiya ndu o lani.

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Esai 24:1

La tofa vɔ, Mɛlɛka co lɛŋnden yɛɛvɛ dɔvɔɔ mò salu ɲɛ-ɲɛ co lecoo mì le lo fondo. O puusiaanin nden mò sɛŋi vanndacieea co icali lecoo-a.

Esai 24:20

Lɛŋnden le hiilun mɛɛ vana mɔiyan ma co o hɔl-lo siɛɛliaa nuaa yɛ. Lɛŋnden le yɛmban mɛɛ kuuvo yɛmban nuaa yɛ, haki ndɔɔ co ndu coo mo va ndu kindilaa. Lɛŋnden le komba, le cen-ndɛ le.

Yɔɛl 2:10

Lɛŋnden le co nda ɲiiyaa laci, halataalaa hiilun yongban-yongban. Paalen a paangei piimiaa kpilo. Loeon va diondɔɔ-on ɲum pɔ́lì.

Sakari 4:7

‹Nɔm pembii bɛnduei he, yɛɛ nɛ n co yɛ Sorobabɛl o hɔl? O co nɔm pesi mà siŋnun dɛngbɔɔ. O handunin pow lebollo o vɔkɔ-vɔkɔ biilaa nin, mì vannda va dimio aa: Biiloo co le powvo ho! Biiloo co le ndu!›

SƐBƐ YƆB-O 9:5

O kɔl ndɔ tuwvo nin, mò faŋa pembon o fondala n va paandu coo lan, pembun mun sinà sɔɛi ken pɛɛngu le.

SƐBƐ YƆB-O 26:11

Te Hala kɔngɔlan pɛ, sungbuma bii halataalaa-n ma ɲiiya, ma dɔwnun kɔndɔfili.

Condii lisai 18:8

Mɛɛ Mɛlɛka tuulu kɔllo, mí lɛŋnden le hiiluŋ, mí le ɲiiya, mí pembon ɲiiya háá o tumndan.

Condii lisai 104:32

A tofa pɛ lɛŋnden, le ɲiiya, a pilan pɛ pembon, kumnde kumbu mun kpu.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Esekiɛl 38:20

Suwva o peelo a yowva coocoo a ɲiiyanin ya o hɔl. Visia yondoo nin a ɲaa pɔm-pɔmbɔa kela lɛŋ-nda bɛɛ ɲiiyanin, hali vanndacieea co o lɛŋnden coo-a kpow bɛɛ a ɲiiyanin. Pembon koombiaanin, mì powta yɛ́ndɛ́la feke-fekelan la deli, kpakilan kpow la koombiaanin.

Amɔs 9:5

Maalii, Mɛlɛka-Nɔ-Kpaayaa-Kpow-vo co lɛŋnden pilanndo mi le va tengaa mɛɛyɛɛ. Vanaa co icali o lɛŋnde kalalen nin-nda kpow, a co o dɛnɛ palaa nin. Lɛŋnden kpow le co helɔɔ cɔfuu maa mɛnndan Nil o peelo. Le co vɛlɛ tolɔɔ maa peo Nil, o co Esipte-o.