Nahum 1:2 - BII BILA

² «Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Nahum 1:2 Referans Kwoze

Sakari 8:2

‹Nuaa Mɛlɛka-Nɔ-Kpaayaa-Kpow-vo dimi ni aa: Paŋala bɛndu-bɛndoo co ya o kɔl le kaola ya kaola Siɔn-ndo. Yeemɛi bɛndu-bɛnduei co ya o kɔl le ndu.›

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Condii lisai 94:1

Kpòkóó Mɛlɛka, Hala vana mingiaa màá, Hala vana mingi màálan-ndo, cɔm diondɔɔ nɔmndo!

Fulaa 34:14

La bàŋ vulan ɲɛ biilaa celen o labɛngunin te, kani ya Mɛlɛka, diola nilan la co ni aa ‹Vana paŋalaa›. Hala paŋalaa ya co ni.

Yosue 24:19

O kon kɔɔli, mí Yosue mulul nda aa: «La nɔlanin Mɛlɛka baalaa tosal te, kani Hala diandaa o co ni, Hala paŋalaa o co ni, o melnin nila kalula niaalan a hakila niaalan haki le.

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Tɔŋ miingua 4:24

Kani maa yinnde loam-nden Mɛlɛka Hala niaa co ni. Hala paŋalaa o co ni.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Yɔɛl 2:18

«Àá! Mɛlɛka fula diallon o lɛŋnde ndɔlen kaolaa nin taw. O tuinun vanaa ndɔa iɲíí.

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Esai 51:20

Poaa nɔmnda vi diallon, a co ihini lɛ́ɛ́siɛn o nɛilan kpede dangalaa, maa kial haw o yaŋɔɔlen-ndo, kɔltuw Mɛlɛka-o co nda coo, Hala co nda kɔngɔlanndo a labɛɛla.

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

SƐBƐ YƆB-O 20:23

Tuma o va ɲɔɔn nuwviaa le dembe ndɔɔ peiyo-o, Hala tuisi ndu yinnde kɔl ndɔ tuwvo coo, le sia ndu coo, le siŋnun balo ndɔɔ.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

Sakari 1:14

O kon, mí mɛlɛkanɔ va suukanndo a ya-o dimul-la aa: ‹Yonda mà dimi aa: Mɛlɛka-Nɔ-Kpaayaa-Kpow-vo dimi aa: Paŋala bɛndu-bɛndoo co ya o kɔl le kaola ya kaola Yerusalɛm a Siɔn-ndo.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Esekiɛl 38:18

Nduyɛ paale len, paale Kɔk hun delnin lɛŋnde Israɛl-ten coo len, kɔltuwvo helnin ya Mɛlɛka o lamilin ŋaliŋali. Diom Maalii, o co Mɛlɛka-o dimi-o co kon ni.

Esekiɛl 36:6

Le hee, tɛɛnguu diom Hala-o a lɛŋnde Israɛl-ten o kɔɔ. Dimul pembun bɛndon a pembun pɔmbɔn, kpolonndan a bóltan aa nuaa Maalii Hala dimi ni aa: La tuei-yɔ ya sɔɛi o paŋala nuu a o kɔltuw nuu nin le tùú vanaa-mangalaa-isɔɔa tɛɛmbuu niaa bɛ̀ɛ̀lan-ndo.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 5:13

Kɔltuw nuu tiiyanin háá o mɛɛlulan. I hulunin kɔl ni fulaa nda coo, mì mingi màá nuu nda coo. O kon telen ya cuiŋinin kɔl ni tuwvo kpede nda coo-o, a sinanin maa ya Mɛlɛka, o paŋala nuu nin ya soo ni.

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Yeremi 3:5

Ko a kɔl tambɛiyo ho o lonin lɔ́ɔ́-lɔ́ɔ̀ ni? Ko mandanndo n vanin sɔɛi he o kɔl le fɛɛn a fɛɛn ni?› Lende n va dimio ni, kɛ a co dɛnɛ vɔɔndo malɔɔ le, hiyanndo tuŋ n co kɔlan a ndu tosaa ni.»

Esai 66:15

Kpókò, kpókò, kpókò! La tofa vɔ Mɛlɛka hunɔɔ sei! La tofa vɔ ndu hunɔɔ o yinnden tɛɛn, ɲɛla ɲaanannda ndɔla soa nan-ndan la co maa hoeyii felenfelen, o co hunɔɔ le kɔl ndɔ tuwvo tuisio a le kɔngɔliannda ndɔlan peeloo a yelenyelen leyinndo.

Tɔŋ miingua 7:10

kɛ mò mingul vanaa nɔ nɛyɔn ndɔɔ-a màá, mó ŋɔɔciaa nda-o. O tamala le vana nɔ nɛyɔn ndɔɔ-o lukpaa le, sakpo o mingul ndu màá ni.

Yeremi 28:8

Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.

Esekiɛl 38:19

I co ndi dimio a paŋala co o yinnde kɔltuw nuu nin-ndo. Paale len lɛŋnden le ɲiiyanin taw-taw o lɛŋnde Israɛl-ten nin.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Kundalan 25:11

«Pineas, po Eleasar-o, po imamaa Aarɔn-ndo faŋa kɔl ni tuwvo Israɛlla coo, kani o tosa paŋalaa le ya o nda tɛɛn. Kon tosa ni, i cii Israɛlla diw a kɔltuwvo le paŋalaa le.

Yeremi 50:15

La yonda le cɔwvo ba-ba fee! O heelu balan le ndu pila yɔngɔnndo. Cɛila coocoola ndala cumulaalan la suingin, kpakila ndalan la koombiaa. Mɛlɛka co ndu maa mingullo ni, lelan la mingul Babilɔn maa, la tosal ndu ɲɛ ndu tosal caanda-o.