Nahum 1:12 - BII BILA

¹² Nuaa Mɛlɛka dimi ni aa: ‹Hali yaamɔaa niaa va bɛɛ sɛ́lɛ́, mà nɔ yoomuan taw, à co cuvɔɔ kpede, o kɛ́-kɛ̀ lonin te. Yáà tuisi niaa paandu sangaa coo, kɛ i saangiaa lɛnin niaa le.

Nahum 1:12 Referans Kwoze

Yɔɛl 2:19

O mulul nda mó dimi aa: ‹I co niaa maalon, mɔiyan a cuɛima ɲuluan yɔngu taw. La dianin mì la pim ca. I tuisi lɛnin niaa lasiɛmbu vanaa súúla celennda o hɔl te.

Dɛnnda cɔɔmuanndan 7:16

Yima nɛi lɛnin nda le, kolɔɔ bii lɛnin nda le, paale loo lɛnin nda le, kùlúkúlù ve lɛnin nda le.

Daniɛl 11:10

Cuavaa masaa a ba luaŋ-ndo a bɛɛndiannin le cɔwvo. Mà cuungiaa vanaa cɔwva taw, mà sɔɔnguu, mà coŋ nda coo maa mɛmma hunaa. A luɛinin ma del ndu coo a cɔwvo háá o kobi nda kunga a kpakio-o nin.

Esai 51:22

Nuaa Maalii nɔmndo, Mɛlɛka Hala nɔmndo, o co buŋnde lɔɔnɔnndo le vanaa ndɔa-o dimi ni aa: «Tofa vɔ, i cua taala kólaa hɔlaa hiŋaa nɔm o ba, ɲɛ co o taala kólaa kɔl ni tuwvo nin-ndo, a kol-lɛnin ndu le!

Esai 37:36

O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.

Esai 31:8

Asirinɔɔ delnin o mɔɛi cɔwve bɛngu, kɛ o venin mɔɛi cɔvii vanaciee le. Mɔɛi cɔwve sɛɛsiaanin ndu, kɛ o venin mɔɛi cɔvii vanaciee le. Asiriia ɲaanunnin mɔɛi cɔwve, kɛ kuubaa cɔvaa ndɔa felengia biinunnin o cɛlen nin.

Esai 30:19

A toɲa, niaa vannda Siɔn, niaa co icali Yerusalɛm-nda, la koŋul-lɛnin te. La yonda pɛ, o tosalnin niaa kɛndɛi, o tueinin niaa diom, o mululnin niaa mulul kɛndɛ.

Esai 17:14

Icɔllo dɛnɛ isiòòn kon voolunin nda ni, nanu a paale siaalen, vana-vana lo lɛnin te. Lende dɛnɛ kon toalnin vanaa va ɲɛm naan poondiaa-a coo ni, lende dɛnɛ vanaa yunga naa-a yɔŋnunnin ni.

Esai 8:8

Ma luɛinin o tàndá Yuda-o nin, ma hunnin taw-taw mì ma sɛŋin nɛɛ-nɛɛ ka. Ma helnin mì ma bii nda háá o bololan, tindima ndɔma vanin fasaŋanndo-an ma kumbunin lɛŋnde nɔmnden kpow, nɔm Emmanuɛl!»

Esai 7:20

O palɛi ken nin, Maalii sendinin a kuisii o yownin a peo Efrate leeloo-e, masaa Asiri pɛɛn. O sendinin niaa bolle a yiiŋii n'peluei, o sendinin niaa vɛlɛ siaiyon.

2Masaa 19:37

Paale pilɛ niko, o va o máán ndɔɔ nin, o va Nisrɔk hala ndɔɔ sooloo, mí poaa ndɔa ŋiɔnda, Adramelɛk nda Sarɛsɛr a kɔ dii ndu a mɔɛi cɔwve, má sɔndan, má kɔannun o lɛŋnde Ararat len nin. Mí Esar-Hadɔn po ndɔ koma sul masaa o fonda ndɔɔ.

2Masaa 19:35

Icɔl kon, mí mɛlɛkanɔ Hala-o toal o dɔ́ɔ́ngɔ́ Asiriia nin, mó diw vannda vaalan kɛmɛ belaŋɔmaa a à ŋuɛɛnu. Vannda cɔnɔnndo idiiyo, má ca vanvílɛ́iya a tiuvaa sɔ́.

Fulaa 12:12

Icɔl kon, i keinin o lɛŋnde Esipte len tɛɛn, mì poaa tasea a cɔlua piaandua tasea Esipte kpede a sɔla piɔ́mndo, kandɔɔ a poaa tasea vanndacieea, kɔlan tiiyaa a cɔlua piaandua tasea cɔlua kom-nda. Mɛɛ nuaa ya kialunin halaa nda co sooloo Esipte-a iyama ni. Ya co Mɛlɛka ni.

Esai 10:16

Lelan, Maalii, Mɛlɛka-Nɔ-Kpaayaa-Kpow-vo co ɲawvo tuisi kuubaa celulaa coo, ɲɔɔ vanin volio o naŋɔɔ ndɔɔ bɛngu maa yinnde biyaa.