Nahum 1:10 - BII BILA

¹⁰ Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Nahum 1:10 Referans Kwoze

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Nahum 3:11

Nɔm Ninive bɛɛ, lende koni dɛnɛ palaa toalnin nɔm coo ni mɛɛ mɔima bii vana. A yɔkpanin a sangaa, ma nuwviaa nɛɛ viannannda le yaamɔaa nɔmnda hiɔlɔnndo.»

Esai 9:18

Lɛŋnden le co ŋɔu a kɔltuw Mɛlɛka-Nɔ-Kpaayaa-Kpow-vo, vannda siŋnun ɲɛ yinnden le va mɛngɛlaa-o. Vana-vana co puapilɛ ndɔɔ haki malɔɔ le.

Esai 5:24

Lelan, maa mɛɛ yinnden le loam tɛwvo yɛ, mɛɛ yinnde biyaalen le loam bil vesɛiyo yɛ, lende koni puundun ndan vanin maa ɲɛ siovɛi ni, lende koni yandɔɔ ndaa saŋnunnin maa cundu ni. Kani a kɛɛ tɔŋ Mɛlɛka-Nɔ-Kpaayaa-Kpow-vo, a pɛɛsa sɔɛi O-Diandaa Israɛlla.»

Yeremi 51:57

I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Yeremi 51:39

Telen yeemɛi va nda taw-vo, mí toosial nda ɲɛdiaa kɛndɛ-kɛndɔɔ. I co nda koesi háá mì ma bii nda, mà lɔl le lɔ́ɔ́-lɔ́ɔ̀. O kon a tindu lɛnin le fɛɛn a fɛɛn te.› Sɔɛi fula ya Mɛlɛka o sondo-e co ken ni.

Esai 27:4

I co lɛ a kɔltuw le, kɛ te yɔɔn a siɛmbullon va pɛ lenin, i kuelnin yɔɔn mun a cɔwvo mì kɔ lom mun kpede.

Condii lisai 68:2

Mɛlɛka co cɔnɔnndo, mí yaamɔaa ndɔa va sɔɔndianndo, vanaa nɔ nɛyɔn ndɔɔ-a co piɔllo ndu laci.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.

Condii lisai 118:12

Ndáà cii ya nin balɔɔ sɔ́ maa n'lɛ, kɛ ma ɲum maa tɛngɛ leyin, mí puusiaa nda o diola Mɛlɛka lan.

Esai 47:14

La tofa vɔ, maa ifoeen nda co ni, yinnden le co nda hunɔɔ lomɔɔ kpúlúká, a nɔlanin yoomu ndaa tuiŋio o yinnden nin te. O venin yinnde ladɛngul le ɲɛ tuɛyɔɔ le, o venin vɛlɛ yinnde vana cal ikɛi le hangɔɔ le.

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Fulaa 5:12

O kon, mí Israɛlla sɛŋin o lɛŋnde Esipte len nin kpow le foeende nuwviaa a le ndi kɔndɔɔ mà hin a ndi.

Fulaa 15:7

A bɔɔbɔɔyɛi nɔmnde, má yɔliyɔli yaamɔaa nɔmnda, mí kɔl nɔm tuwvo loam nda, má ŋɔa mɛɛ foeende ŋɔa nuaa yɛ.