Misee 7:9 - BII BILA

⁹ Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Misee 7:9 Referans Kwoze

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Condii lisai 37:6

O cɔmnin sandii nɔmnde vakpa maa ɲɛ-tengaa paale siaa, mò cɔm dɛnɛ sandaa nɔmndo mɛɛ ɲɔɔ tenga a paale kálà-kálàlen nuaa yɛ.

1Samiɛl 24:15

Nɛ̀ɛ́-nɛ̀ kpeekpei nɔm masaa Israɛl co yɛ kiltan-ndan kɔɔli a cɔwvo? Nɛ̀ɛ́ n co yɛ tovɔɔ ho? Yéè ya tun vílɛ́iyo ho n co kiltan-ndan kɔɔli ni? Yéè ya kpangbaɲaalaa ho n co tovɔɔ ho ni nɛ?

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Esai 46:13

I co dɛnɛ sandaa nuu nanɔɔ macɛlu, o co lɛ levil te, cinda nuu tamalanin le tiiyaa le. I kɛsinin cindaa Siɔn mì tuisi biilu nuu Israɛl coo.

Condii lisai 43:1

Éé Hala, yɔngu ya dío! Cɔm dɛnɛ nuu vanaa lo o lediom coo a nɔm te-a o hɔl. Baŋa ya vanaa kɔlkalu vɔɔnda a vanaa lakafaa ha o ba.

Condii lisai 7:6

màá yaamɔɔ nuu tow ya mò bii ya, mò kpuva ya o kiyɛiyo, mò cii ya labɛɛ o cundoo nin!

SƐBƐ YƆB-O 23:10

Kɛ nduyɛ, o sina nɛi ya co coo-o, o fula pɛ ya kɔɔli mò tɔɔndan ya, i vannunnin o diandaa few maa isiani.

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

1Samiɛl 26:10

Mí David dimi aa: «Te Mɛlɛka co yoomu, ndu Mɛlɛka pila co ndu lɔɔ ni. Te o hini a ba ndɔ mo vi le, mɛɛ o sɔlanin piɔ́mndo o cɔwvo nin.

1Samiɛl 25:39

David tueyɔɔ maa Nabal vi, mó dimi aa: «I mel Mɛlɛka balika le tùú o lɔɔnun ibuŋ le ya, mó mingi màá nuu le bɛ̀ɛ̀la Nabal tɛɛmbuu ya lan-ndo. O cɛl mì tosa dɛnɛ vɔɔn te, mó tuisi Nabal pila kɔlvesɛi ndɔ ndu pilaa coo.» Mí David viam kiilaa o Abikail lo le ndu kaolaa mò siŋnun laa ndɔ.

1Samiɛl 3:18

Le hee, mí Samiɛl dimul ndu sɔɔn mun kpow, o vin ndu ikɛ́-kɛ̀ le. Mí Helii dimi aa: «Ndu co Mɛlɛka ni, màá o tosa hɛnan ndɔɔ!»

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Condii lisai 94:15

Yamɛi kialunnin vɛlɛ mì toɲaa cennun, vanaa dendu kɔltan-nda kpow delnin toɲa kon kɔɔli.

Condii lisai 119:154

Soo le ya mà cɛw ya, kanda yoomu nuu mɛɛ n dimi yɛ.

Esai 42:7

le vanaa sumɛiya hɔltan kumbio, le vanaa co o biyɔɔ nin-nda solio o kaasoo, le vanaa co a biyaa o ɲumndan nin-nda baŋaa.»

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Esai 56:1

Nuaa Mɛlɛka dimi ni aa: «La kela o sakpoyɛi nin, mì la tosa dɛnɛ sandaa, kani cinda nuu co nin le tiiya, dɛnɛ ni sandaa co nin le cɔmnɔnndo kpendekele.

Yeremi 10:19

«Mbɔ̀ ya i kɔndu dɛnɛ fɔ́! Bolin nuu singu le. I va dimio aa: sanga co le ya-o, i bɛnda mì biwnun ndu.

Yeremi 51:10

Mɛlɛka cii dí naa soli ceen. N kɔnnun Siɔn mì n kɔ cɔmnun ɲɛ Mɛlɛka Hala naa tosa-o.

SƐBƐ YƆB-O 35:14

Nɔm yɛ a co dimio maa a co ndu cɔ le, maa a cii ndu bahavɛi nɔmndo cɔm, a co ndu cumndo tuŋ?

Esai 51:22

Nuaa Maalii nɔmndo, Mɛlɛka Hala nɔmndo, o co buŋnde lɔɔnɔnndo le vanaa ndɔa-o dimi ni aa: «Tofa vɔ, i cua taala kólaa hɔlaa hiŋaa nɔm o ba, ɲɛ co o taala kólaa kɔl ni tuwvo nin-ndo, a kol-lɛnin ndu le!

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.