Misee 7:6 - BII BILA

⁶ Kani po vialaa co fuɲaa bɛɛlan tɛɛmbuuo, cuaambɔ laandoo co kala ndɔ simullo, lanɔɔ poo co kala-lɛɛ ndɔ ciŋilanndo. Yaamɔɔ vana-vana fulanin o yungu vana kon pila nin.»

Misee 7:6 Referans Kwoze

Luke 12:53

Fuɲaa simulnin po ndɔɔ, mì poo simul fuɲaa. Kalacuaa simulnin cuaa ndɔɔ, mì cuaa simul kalaa. Kala-lɛɔ simulnin lanɔɔ po ndɔɔ, mì lanɔ kalaa simul kala-lɛɛ ndɔ.»

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Talelan 30:11

Vanaa pum mɛnaa nda mɛna fuɲaa ndaa ni, à dimi vɛlɛ sɔɔn kɛndɛ a kalaa velu nda-a le.

Luke 21:16

Hali fuɲaa niaa, kalaa niaa, puapilɛa niaa, vanayan niaan a caaŋaa niaa malnin niaa yaamɔaa niaa o ba. A diwnin vanaa pum niaa tɛɛn.

Matie 26:23

Mí Yeesu muli aa: «Vana naa n co baa vowvo naa ndu o hɛngɛi pilɔɔ nin-ndo, ndu malnin ya vannda o ba ni.

Abdia 1:7

À toawnin niaa o lɛŋnde niaalen coo. Vanaa niaa bɛnda-a kpede a fulanin niaa kɔɔli, mì vanaa va caaŋaa niaa-a tol niaa coo a kpaayaa. Vanaa niaa co balan o hɛngɛi pilɔɔ nin-nda co niaa yaŋɔɔlan hendullo o nɛila niaalan coo mà va dimio aa: ‹A co lɛ ɲɛ-ɲɛ bila biyɔɔ le.›

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 12:6

Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

2Samiɛl 16:11

Mí David dimul Abisai a vanaa ndɔa baalaa kpow aa: «Po ni ya pila solin o ipulu-o yeema vɔ le ya diyɔɔ, ko caan fulan hoo pɔɔli o polale Bɛnyamɛn-nden nin-ndo. Lelan, la mal ndu lon, o yeow ya, te lende Mɛlɛka dimi ni.

O Kandɔɔ 49:4

Kɛ ŋol bɛɛ mì hiiyo fula nɔm maa mamɛn, fonda tasoo ve lɛnin le nɔm te. Kani a nɔɔliaa kpele fuɲa nɔm-ndo, a hel o ya lo kpele má tosa mààlan.

Esai 9:19

Vannda co ɲɛm dian tɔ̀un co vannda o ba kɛndɔɔ coo-on dioo, kɛ yiaan ma co nda nɛiyo, a co ɲɔɔn dioo o ba nda miallo coo kɛ a pim te. Vana-vana co visin ba ndɔɔ sɔmndo.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.