Misee 7:4 - BII BILA

⁴ Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Misee 7:4 Referans Kwoze

Esai 22:5

Kani paale dɛnɛ tambɛilen, paale bɛpɛlaalen a paale lasiɛmbu len le co hau ni. Maalii, Mɛlɛka-Nɔ-Kpaayaa-Kpow-vo tuisi paalen-nden o ból vana ca siɔdii lacio nin-ndo coo ni. Vannda co kpakilan koombiaa, yoondiaalan la co sɔɛi a kpengii n'pembue.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

Hebreea 6:8

Kɛ te o soli pɛ bɔɔla n'yɔɔlan a booson, mɛɛ o nɔ tɔnɔ le. O kon Hala kɛɛ ndu, o mɛɛlulan, a mal ndu yin.

Luke 21:25

«Tɔɔmaselan la tosannin o paalen, o paangei a o loeon nin. O lɛŋnden coo, sanga bɛndoo toalnin vanaa-mangalaa-isɔɔa coo. À sinanin mɛɛ nda yɔŋnin a ɲɛ vuu bɛndu vanin cɔnɔnndo o mɛmma ihɛllan nin a o tindima mɛmma ihɛllan nin-ndo le.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Esai 55:13

Yɔmii Siprɛsiei vulnin o fonda yɔmii n'yɔɛi va-o, yɔmii Mirte vulnin o fonda yɔɔn va-o, tɔ́ɔ́ bɛndoo vanin kon le Mɛlɛka ni, tɔɔmasele fɛɛn-fɛɛndo vanin kon ni, o feŋannin le fɛɛn a fɛɛn too.»

Yeremi 11:23

Vɔsi ya cannin le vannda Anatɔt dɛnɛ palaa tuisio coo-o, vana-vana helunnin o nda tɛɛn te.»

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Esekiɛl 28:24

O kon, kobi kon ve lɛnin maa yɔɔn siɛɛmbiaa, te kon te maa yɔm n'yɔɔ nɛyaa le cuavaa Israɛlla o vanaa balu ndu mà va ndu pɛɛsaa-a kpow tɛɛn te. O kon, vannda sinanin maa ya co Maalii ni, Mɛlɛka pɛɛn.