Misee 7:3 - BII BILA

³ Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Misee 7:3 Referans Kwoze

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Amɔs 5:12

Kani i sina maa yɔŋnda vɔɔnnda niaalan la co labɔɔ, hakila niaalan la kui taw-taw. La co vanaa sandaa mɔnɛi lueiyo, La co luɛyɔɔninndo cɛlɔɔ, mì la va dí vanaa bala fondoa tɛɛmbuuo o fonda kialaa n'yamaa.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Matie 26:15

mó dimul nda aa: «Te i mal pɛ ndu niaa o ba, yɛɛ nɛ niaa ke yɛnin ya?» Má cua volin latámán beleyaa, má yɔngu ndu.

Osee 4:18

A cii dɔ́ɔ́ pɛ man kolɔɔ a labɛɛla, a saan suunda nda soolaa n'piɔmndo. Dɛnnda lasiɛmbulan simlacia ndaa yeema ni.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Esekiɛl 22:6

Tofa vɔ simlacia Israɛlla, vana-vana co dɛnndan tosaa o nɔm ndo a kpaaya ndɔɔ le vanndacieea diwvo.

Yeremi 3:5

Ko a kɔl tambɛiyo ho o lonin lɔ́ɔ́-lɔ́ɔ̀ ni? Ko mandanndo n vanin sɔɛi he o kɔl le fɛɛn a fɛɛn ni?› Lende n va dimio ni, kɛ a co dɛnɛ vɔɔndo malɔɔ le, hiyanndo tuŋ n co kɔlan a ndu tosaa ni.»

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Talelan 17:23

Ɲɛm kean sɔɔsɔɔ-on hɛnan vanaa kɔlvesɛiya biyɔɔ ni, le dɛnɛ sandaa faŋaa o fonda ndɔɔ.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.

Esai 5:23

Le vanaa bii luɛyɔɔninndo le vana vɔɔndo dio yɔngoo-a, a laasiaa di vanaa tɛɛmbuu isɔɔ le-a ma yaala nda-a!

Esai 32:7

Vana huiya n'vanndo ndu, dɛnnda ndɔlan yɔŋ vɔɔndo tuŋ. Tuula vɔɔnndan kínɛí o tuu o kɔl ndɔɔ nin ni, le vanaa ikɔɔa mɔnɛi lueiyo a sɔɔn lacòòvan, hali vana bala fondo kon nɔ bɛɛ dio o sɔɛi ken nin.

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Osee 7:3

A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Misee 3:2

Kɛ dɛnɛ sandaa nɛinun niaa ni, mì la kaola dɛnɛ vɔɔndo. La co lo vannda ɲɛm ndan poondiaa o laba háá mì buu nda yáwlan a vision o paalan coo.

Talelan 16:30

Vanndo kinda pɛ hɔltan mò yii cɔcɔn le dɛnɛ vɔɔndo tuuvo, mɛɛ o cii nin ndu tosa.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Esekiɛl 34:21

Kani la ɲindu saa mɛsɛlɛiya kpow a lungbun niaan a congúla niaalan, mí la kundu nda a leela niaalan háá mì la sɛŋi nda o bɛ́ɛ̀.