Misee 7:2 - BII BILA

² Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Misee 7:2 Referans Kwoze

Condii lisai 12:1

Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Yeremi 5:26

Kani vanaa kɔlvesɛiya co vanaa nia tɛɛn, vana ca ko nda a tundan aa vana biyaa n'yowvo co mɛngɛlaa ni. A co yaŋɔɔlan handɔɔ le vanndacieea biyɔɔ.

Esai 59:7

Peelun ndan co kiltan le dɛnɛ vɔɔndo tosaa, a co keleŋaa le kɔlan vanaa tɛɛmbuu isɔɔ le-a diwvo. Yiyannda ndalan kpow la sendu le. Dɛnɛ tambɛiyo a ɲɛm tambɛiyon co o nɛila ndalan coo.

Talelan 1:11

Taa dimul nɔm pɛ aa: ‹Hun n kɔnnun, mì n kɔ miingun yaŋɔɔlan mì n diinun vanndacieea. N hendulun vana tɛɛmbuu isɔɔ loo yaŋɔɔlan o fondo fúúo coo,

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

1Samiɛl 24:11

Nɔm pila tofa vɔ, Mɛlɛka ndóò cii nɔm hau malɔɔ ya o ba o buululan ndan nin. Vannda va ya dimullo le nɔm diyɔɔ, kɛ i cɛl te, mí dimi aa i cɛlnin mì hol vana ni bɛndoo baa le, kani masa Mɛlɛka pɔla-o o co ni.

Misee 3:10

Niaa co Siɔn tangullo a kooma vanndacieea nin, mí la va Yerusalɛm tangullo a kɔlvesɛiyo-a.

Cɛɛŋɔnnda Yeremi lan 4:18

Vannda va foofola pelun nan fɛfɛlaa, a ve naa cɛlɔɔ le kɔlan o fondala naalan te. Mɛɛlula naalan la sɔɔnguu, palɛi nɛi cuu. Daama ni!

Yeremi 5:16

Bɔlɔ nda mandaa n'kɔɔ co maa sɛi kumbiaa, nda kpow kuubaa cɔwva nda co ni.

Talelan 12:6

Yaŋɔɔla dii vana lan sɔɔn vanaa kɔlvesɛiya n co ni. Kɛ sɔɔn fula vanaa sandaa sondo-on n soli nda piɔ́mndo o sondo ni.

Condii lisai 57:6

Òó Hala! Cɔm bɔɔbɔɔyɛi nɔmnde, í hiow halataalaa-e. Màá biilu nɔmndo va o lɛŋnden kpow coo!

1Samiɛl 26:20

Kpòkóó! Màá kooma nian ma tala lɛŋ Mɛlɛka levil te fɔ́! Kani masa Israɛlla luɛi yondo le ya kpangbaɲaala fondoo ho nuwviaa a cɔwvo mɛɛ vana kɔa vɔlɔɔ tovɔɔ o pembon coo nuaa yɛ.»

Condii lisai 10:9

Mò lo cumullo mɛɛ yàlàá cumul visia o bɛ̀mɛ́ltan sondoo nuaa yɛ. Mò vennun le vana bala fondoo delɔɔ coo. O voolu pɛ ndu, o luei ndu o yala ndɔɔ nin.

Esai 9:19

Vannda co ɲɛm dian tɔ̀un co vannda o ba kɛndɔɔ coo-on dioo, kɛ yiaan ma co nda nɛiyo, a co ɲɔɔn dioo o ba nda miallo coo kɛ a pim te. Vana-vana co visin ba ndɔɔ sɔmndo.

Yeremi 8:6

I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Esekiɛl 24:6

Lelan ɲɛ Maalii, o co Mɛlɛka-o co dimio-o co hoo ni aa: «Dɛnɛ palaa co le kobi diyaa n'vanndo ho, kpɛɛnɛi pɛ a ɲɛ sɔvɛiyo-e o co ni, sɔva ndɔ kon faŋan ndi. Vannda sooluunin visin n'kpungban lenin n'pilɛn-pilɛnndon, kɛ o venin a lesion malɔɔ le.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Misee 3:2

Kɛ dɛnɛ sandaa nɛinun niaa ni, mì la kaola dɛnɛ vɔɔndo. La co lo vannda ɲɛm ndan poondiaa o laba háá mì buu nda yáwlan a vision o paalan coo.

Sakari 11:6

Lelan, ya bɛɛ, i nɔ lɛnin iɲíí a vanaa co icali o lɛŋnde len nin-nda le. Ya Mɛlɛka co sɔɛi nuaa ni. Tofa vɔ, i co vannda vɔngul nda pila o laba vellaa-velle, mì mal nda vɛlɛ masaa o ba. Masaa kan tɛɛmbuunin lɛŋnden. Kɛ ya, i helunin vana-vana nda o ba le.›»

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Dɛnnda kiilaa 24:9

Mí Yuifia cɔɔlu sɔɛi ken tiinda, má dimi aa toɲaa ni.