Misee 7:16 - BII BILA

¹⁶ Vanaa-mangalaa-isɔɔa canin ndan, mì siɛmbulan la bii nda. O kon, a kpaaya bɛndoo kpow, à handunnin balan o lasondo, mì nilan la baŋul nda.

Misee 7:16 Referans Kwoze

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

SƐBƐ YƆB-O 40:4

«Tofa vɔ, i co ɲɛ-ɲɛ le, vɛ̀ɛ̀ ya mulul-lɛnin nɔm? I handun-ndɔ baa o sondo mì meinun.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Sakari 12:9

«O palɛi ken nin, i tɛɛmbuunin vanaa-mangalaa-isɔɔa hinulnin Yerusalɛm-nda kpow.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Esekiɛl 38:23

Lende ya cɔmnin bɔɔbɔɔyɛi nii a diondɔɔ nuu ni. I cɔmnin vanaa-mangalaa-isɔɔa sɛ́lɛ́a vana ya co-o, o kon má sina maa ya co Mɛlɛka ni.›»

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Condii lisai 126:2

N va mamɔɔ, n ve pɛngi le. Sɔɔn maman va naa o lasondo, n va deŋio a condun ɲaalon. Vanaa-mangalaa-isɔɔa va dimio aa: «Mɛlɛka tosa dɛnndan taw le nda.»

SƐBƐ YƆB-O 21:5

La mulin-ndɔ mì la tofa ya: La dɔawnunnin kɔndɔfili mì la handun balan o sondo.

Talelan 30:32

Te seemaa bii nɔm pɛ, mì kuundianndo luɛi nɔm o kɔl, kɛ ma yiyan o kon kɔɔli, mɛɛ bii niko sondo nɔmndo dɛ!

Misee 3:7

Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.