Misee 7:12 - BII BILA

¹² Paale len vannda hunnin o nɔm ndo fulaa Asiri a o kobila co o lɛŋnde Esipte len nin-ndan, cɔnɔnndo o peo Esipte háá o peo Efrate kɔngɔ. À pum hunnin fulaa o mɛmma ihɛllan kɔngɔ, à pum fulaa o tàndála n'pembulan coo.

Misee 7:12 Referans Kwoze

Osee 11:11

A cannin Esipte mà hin a ɲiiyaa maa n'yow. A cannin o lɛŋnde Asiri len nin mà hin a kiltan maa n'poonpoon. O kon, i kɛsinin nda mà cal o cɛila ndalan nin. Ya Mɛlɛka soo lende ni.»

Esai 11:16

Nɛiyo ndu pilɛ kpé vanin le vanaa tɔ̀a lonin yoomu o vanaa ndɔa tɛɛn-nda ni, a lo vɔnin yoomu Asiriia pɛɛn, maa mɛɛ nɛiyo va ndu pilɛ le cuavaa Israɛlla paale nda va fulaa Esipte len yɛ.

Esekiɛl 37:21

Mà dimul nda aa nuaa Maalii Hala dimi ni aa: «La tofa vɔ ya! I co cuavaa Israɛlla cua vanaa-mangalaa-isɔɔa nda kɔɛ tɛɛn-nda tɛɛn, mì soli nda ba-ba fee, mì mɔɔsiaa nda, mì mingi nda o lɛŋnde ndalen nin.

Esekiɛl 29:21

Paale len, i cɔɔlunin cuavaa Israɛlla yoomuan. Nɔm Po vanacieo yɛ, i kumbinin nɔm sondoo mà soo ɲɛkɛndɛi nda tɛɛn, o kon nda bɛɛ sinanin maa ya co Mɛlɛka ni.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Esai 49:12

La tofa vɔ nda, a cɛn nɛɛ levil ma va hunɔɔ, a pum co hunɔɔ fulaa a ba luaŋ-ndo, a ba paalen le del-lo, a pum co hunɔɔ fulaa o lɛŋnde Sinim-nden nin.

Esai 43:6

I dimulnin lɛŋnde luaŋ-nden aa: «Mingi nda o nda lo!» I dimulnin vɛlɛ lɛŋnde too len aa: «Kungulan nda coo le!» Faŋa poaa niaa nɛɛ nda co o lɛŋnde nin kɔɔli-kɔɔli-a mà mingi nda o nda lo. Faŋa cuavaa niaa laandua lɛŋnde mɛɛlu ma mingi nda nanu,

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Yeremi 46:27

Nɔm Yakɔb vana ni baalaa, siòòŋii bii nɔm te, vu n'dial te. I co nɔm baŋa mà fula lɛŋii leville o ba, mì cuavaa nɔmaa imamaa mal o lɛŋnde nda kɔɛ a nda len nin. Yakɔb muungunin mò kɔ cal nila ɲulu, vana ve lɛnin le ndu kpeeŋiaa le.