Misee 6:4 - BII BILA

⁴ Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Misee 6:4 Referans Kwoze

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

Fulaa 12:51

Paale len kpeekpei Mɛlɛka soli nda o lɛŋnde Esipte len nin a kundalan ni.

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.

Yeremi 32:21

A soli vanaa nɔmnda, Israɛlaa o lɛŋnde Esipte len nin a ba nɔm mayoomu bɛndoo, a dɛnnda kɔndɔfiltan a kaamaala n va tosaa lan, mí siòònde bii vannda taw.

2Samiɛl 7:23

Ɔ́ɔ̀ vanaa-mangalaa-isɔaa co maa yungu nɔmndo o lɛŋnden nden coo-a, Israɛlla pɛɛn? Ɔ́ɔ̀ vanaa-mangalaa-isɔaa halaa ndaa kɔ soli o cɛlen nin, má siinguu nda vanaa ndaa, má ke nda diolan-nda? Nɔm, a tosa dɛnnda bɛndulan le Israɛlla, a tosa dɛnnda kpúlúnkùmalan le lɛŋnde nɔmnden Israɛlaa kan o hɔl, a n soli o cɛlen nin Esipte vanaa-mangalaa-isɔaa kan a halaa ndaa o ba-a pɛɛn.

Kundalan 12:1

Mí Moise ndóò cua lanɔɔ pum fulaa o lɛŋnde Kus len nin. Mí Miriam nda Aarɔn a soaa sɔɔn pɔmbɔn le lanɔ ndóò cua kon-ndo.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Dɛnnda kiilaa 7:36

Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.

Condii lisai 77:20

A buli nɛiyo le nɔm pila o mɛmma ihɛllan tɛɛn, má soli pemalen o mɛmma bɛndu-bɛnduan nin, kɛ vana-vana seelun foofola nɔmndan te.

Tɔŋ miingua 24:18

La loonun maa cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa a cɛle len, lelan ya dimul niaa le tɔŋndo ho biyɔɔ ni.

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Tɔŋ miingua 9:26

Mí tɛɛlun Mɛlɛka, mí dimi aa: ‹A yandi, Maalii, Mɛlɛka, tɛɛmbuu vanaa nɔmnda le, kɛ́ nɔmndo pɛɛn, a n baŋa a masale nɔmnden má soli nda o lɛŋnde Esipte nin a ba nɔm kpaayaa-a.

Tɔŋ miingua 5:6

‹Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Fulaa 4:16

Ndu Aarɔn cuanin fonda nɔmndo le sɔɛi o Israɛlla lo ni. Ndu vanin sondo nɔmndo ni, mì nɔm va maa Hala le ndu sɔɔn o bɛnda le vannda tɛɛngullo-on dimullo.

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Fulaa 3:10

Lelan, nɔm Moise, i vem nɔm o Faraɔnnɔɔ lo sunsun. Kɔ ma kɔ soli yungu nuu o sanga kon nin Esipte, Israɛlla pɛɛn.»

Fulaa 4:10

Mí Moise dimul Mɛlɛka aa: «Hee kendu dɛ Maalii! Kani o co vana nɔla isɔɔ a mayoomu o luŋ te ya co le. Kabi paandu i cee isɔɔ le, nɔm pila sina maa kabi n kandu sɔɛi o ya lo, i nɔla sɔɛi taw le.»

Kundalan 33:1

Dɔ́ɔ́ngɔ́la Israɛlla kei kila lɔ́ɔ́ nda faŋan Esipte a nɔmma bɛnduan le kɔnndan mí Moise nda Aarɔn va kɔlan a nda lan.

1Samiɛl 12:6

Mí Samiɛl dimul nda vɛlɛ aa: «Mɛlɛka hɛli Moise nda Aarɔn ni, ndu koni soli vɛlɛ fuɲaa niaa mamaa Esipte ni.

Fulaa 6:27

Nda dimul Faraɔnnɔɔ, o co masaa Esipte-o, le Israɛlla solio o lɛŋnde Esipte len nin ni.