Misee 6:2 - BII BILA

² Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Misee 6:2 Referans Kwoze

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Condii lisai 104:5

A cii lɛŋnden kila má baŋ nden, le kpeŋan ndɛnin lɔ́ɔ́-lɔ́ɔ̀ le.

2Samiɛl 22:16

Mɛlɛka pɛɛliaa, mí mɛmma ihɛllan ma vela mí pee kɔllo fula ceen, mí hoeiye fula ndu o tɛɛngun lamilinndon, mí lɛŋnde tumnden le kalaŋan.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Yeremi 31:37

O Mɛlɛka dimi-o co hoo ni aa: Te vana nɔla pɛ helɔɔ halataalaa tuu te kon te yingila lelɛŋndo sinaa, mɛɛ i kɛɛnin cuavaa-imamaa Israɛl-la le dɛnnda vɔɔnnda kɛ́-kɛ̀ nda tosa lan! Sɔɛi fula Mɛlɛka o sondo-e co ken ni.»

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Yeremi 2:9

Lelan i co vɛlɛ niaa kɔɔsal. Ya Mɛlɛka co sɔɛi nuaa ni. I co vɛlɛ cuavaa niaa imamaa kɔɔsal.

Esai 43:26

Lelan, la tindi yiyan nuu mì n kɔɔsan vellaa-velle. Niaa pila soo le dí niaa nuwviaa.

Esai 5:3

Lelan sisa, niaa Yerusalɛmnda a niaa vanpiaandua co icali o tàndá Yuda-o nin-nda, la va vanaa kialaa n'yamaa ya a nakɔ n'rɛsɛn nuu tɛɛn!

Talelan 8:29

mó kilul mɛmma ihɛllan kpélénndo, ò ma bɛnda le hiovɔɔ loo. Mó kila fonda lɛŋnden le cal coo-o.

2Samiɛl 22:8

Mí lɛŋnden le hiilun, mí le ɲiiya, mí nɛɛ halataalaa kɛsi tumndo-a hiilun yongban-yongban. A toɲa, mí lɛŋnden a halataala biiŋun le tùú Mɛlɛka ndóò tuulu kɔl-lo.

Tɔŋ miingua 4:26

i cua hau halataala a lɛŋnden seilen, la tamalanin le cuvɔɔ o lɛŋnde niaa co Yurdɛn taŋɔɔ le len hiɔlɔɔ len nin te. Yoomu niaa bendunin o lɛŋnde len nin te, kani la co cuvɔɔ itambu kpow.

Esai 3:13

Mɛlɛka cɛn mò sim le yamɛi kiolɔɔ, o co isisi le yamɛi vannda kiolɔɔ.

Misee 6:1

«La yaŋ ndɔ nilan mì la tuei ɲɛ Mɛlɛka dimi-o! O vem ya aa ya cɔn le kɔɔsɔɔ, aa ya tɛɛnguu diomndo ho pembun bɛndon a pembun pɔmbɔn o hɔl.

Osee 12:3

Mɛlɛka co hunɔɔ kɔɔsɔ a polale Yuda len, o soaŋnin cuavaa Yakɔb-a le kela nda vɔɔndo. O tosalnin nda mɛɛ dɛnnda ndalan la co yɛ.