Misee 6:1 - BII BILA

¹ «La yaŋ ndɔ nilan mì la tuei ɲɛ Mɛlɛka dimi-o! O vem ya aa ya cɔn le kɔɔsɔɔ, aa ya tɛɛnguu diomndo ho pembun bɛndon a pembun pɔmbɔn o hɔl.

Misee 6:1 Referans Kwoze

Yeremi 22:29

Lɛŋnde nilen, niaa vanaa co o lɛŋnde nilen nin-nda, la tuei-yɔ ɲɛ Mɛlɛka dimi-o.

Tɔŋ miingua 32:1

«Nɔm halataalaa, yaŋ nilan mì soo. Niaa vanaa co o lɛŋnden coo-a, la yaŋ nilan o sɔɔn co ya fula o sondo-on.

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Esekiɛl 36:1

Nɔm Po vanacieo yɛ, tɛɛngul pembon Israɛl diom Hala-o, mà dimul mun aa: «Niaa pembon Israɛl, la yaŋ ndɔ nilan o sɔɛi Mɛlɛka-e!

Condii lisai 50:4

Hala yoongu halataalaa coocoo a lɛŋnden, le yaman vanaa ndɔa kiolɔɔ.

Tɔŋ miingua 4:26

i cua hau halataala a lɛŋnden seilen, la tamalanin le cuvɔɔ o lɛŋnde niaa co Yurdɛn taŋɔɔ le len hiɔlɔɔ len nin te. Yoomu niaa bendunin o lɛŋnde len nin te, kani la co cuvɔɔ itambu kpow.

Esekiɛl 36:8

Niaa pembon Israɛl-lɛ, la piaŋnin mí la pui tɛi-tɛi. La solinin kɔmnde niaalen le vanaa nia, Israɛlla pɛɛn, kani o lo cobe mà muungu o lɛŋnde ndalen nin.

Esai 1:2

«Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.

Luke 19:40

Mí Yeesu muli aa: «Mì dimul niaa, te nda mei pɛ, powtan ndan la co yonda ni!»

Condii lisai 50:1

Condei. Condii fula o condun Asaf-on nin-nde. «Hala-Hiow-Ɲɔɔn-Kpow-vo soo. O veelu vanaa co o lɛŋnden coo-a, cɔnɔnndo nɛɛ paalen le can-nda, kɔlan háá nɛɛ le del-la.

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Esekiɛl 37:4

Mó dimul-la aa: «Tɛɛnguu diom Hala-o o paalan-ndan coo. Dimul tan aa: Niaa paala vesɛilan sei, la yaŋ-ndɔ nilan o sɔɛi Mɛlɛka-e.

Yeremi 13:15

La mɛi-yɔ, mì la yaŋ nilan, la kindi nilan te, kani Mɛlɛka co sɔɛi o niaa lo ni.

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

1Samiɛl 15:16

Mí Samiɛl kialu Saul sɔɛi o sondo aa: «Meilu vana nanu! Yaŋ nilan mì tɛɛngul nɔm ɲɛ Mɛlɛka dimul-la cɛi icɔl-lo.» Mí Saul muli aa: «I co nɔm lani.»

1Samiɛl 12:7

La hun niko o Mɛlɛka lo, mì kelu yamɛi, mì yiyalan fɔlɔn niaa dɛnnda kɛndɛla Mɛlɛka tosal niaa a fuɲaa niaa mamaa lan.

Misee 6:2

Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Esai 3:13

Mɛlɛka cɛn mò sim le yamɛi kiolɔɔ, o co isisi le yamɛi vannda kiolɔɔ.

Esekiɛl 6:3

Dimul mun aa: «Niaa pembon Israɛl, la yaŋ nilan o sɔɛi Maalii-e, Mɛlɛka pɛɛn. Maalii, o co Mɛlɛka-o dimul vanaa co icali o pembun bɛndon, pembun pɔmbɔn, kpolonndan a o bóltan nin-nda aa: ‹La tofa vɔ ya, i co niaa cɔwvo tuisi coo mì tɛɛmbuu sooluula niaalan.