Misee 5:9 - BII BILA

⁹ «Mí Mɛlɛka dimi aa: ‹Paale vanin mì cii soa cɔvaa co o lɛŋnde nɔmnden nin-nda kpow, mì tɛɛmbuu ɲɛla ɲaanannda niaala soa nan-ndan,

Misee 5:9 Referans Kwoze

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Condii lisai 21:8

Masaa kɛsi kɔllo Mɛlɛka coo, nduyɛ, le vanakɛndɛyɛi Hala-Hiow-Ɲɔɔn-Kpow-vo-e, o siɛlanin te.

Esai 11:14

Kɛ a cɛlannin, mà kɔ del Filistia coo a ba paalen le del-lo, a poondanin ɲɛm vanaa co a ba paalen le can-ndo-a diom pilɛ, a soaŋnin Edɔmnda a Moabua soŋɔ̀ɔ́ pila, a nɔlanin poaa Amɔnnda mà kɛsin nda o labɛngunin.

Condii lisai 10:12

Éé Mɛlɛka Hala! Cɔn ma heelu baa fɔ́! Pɔɛ́ɛ́nùn vanaa co o mɔnɛi nin-nda le.

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Esai 37:36

O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.

Esai 33:10

Mɛlɛka dimi aa: «Sunsun i co cɔnɔn isisi, sunsun i co bɔɔbɔɔyɛi nii cɔm, sunsun i co helnɔn tema.

Esai 1:25

Niaa Yerusalɛmnda, i co niaa mululɔn, mì teengiaa volin niaan sɔvɛiyon mɛɛ vana dindi ɲɔɔ a sodaa nuaa yɛ. I faŋanin nɔɔ niaa kpow.

Condii lisai 106:26

O kon, mí Mɛlɛka heelu baa, mó mɛnalan nda maa o malnin nda ma kɔ vu o lɛŋnde veselɛilen nin.

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»