Misee 5:8 - BII BILA

⁸ Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Misee 5:8 Referans Kwoze

Sakari 10:5

A vanin o cɔwvo nin maa kuubaa cɔw, mà nɛw loolio o nɛi a labɛngu. Lende nda tosanin cɔwvo ni. Kani Mɛlɛka vanin nda ikɛi, lelan, yaamɔaa ndaa vanin o soa coo mì siɛmbulan la bii nda.

Misee 4:13

La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Sakari 9:15

Mɛlɛka-Nɔ-Kpaayaa-Kpow-vo kandanin nda. À sɔlanin yoomuan mà ciimiaa powta fáàndala vanin nda hinullo lan. A kolnin mà ŋol maa mamɔi, a vanin a piaa maa bonyii fuusai makòó, maa kpɛ̀ɛ́n fonda-loamaa-lasálà.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Matie 10:14

Cɛi oo cɛi, te kon te kobi oo kobi nda bii niaa, mà yaŋ nilan o sɔɔn nian te, la va pɛ faŋanndo lon, la koŋ cundu vanin niaa o n'pelu-o, la kɔɛnnun.

O Kandɔɔ 49:9

A toɲa, Yuda, yàlà téndóó n co ni. Po nuu, a fula pɛlɛlen má hun biɔmnun maa yàlà. Vana ca nɔm ko o biamnanndo a yàlàá kpeekpei ni. Nɛ̀ɛ́-nɛ̀ nɔla yɛ mò cua nɔm isisi lon?

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

Condii lisai 44:5

Òó Hala! Nɔm co Masa nuu ni. Cɛl mì pulun Yakɔb-on nɔla yaamɔɔa o cɔwlan.

Condii lisai 104:20

Nɔm tuisì ɲumndan ni, mì paalen le del, mì visia yondoa kpow cɛn kelaa,

Talelan 30:30

Yàlàá, ndu hiow kpaayaa o visia yondoa tɛɛn kpow, o ɲeenun ɲɛ-ɲɛ loo,

Esai 5:29

Vana tuɛi ko vanaa kan diom aa yàlà laandoo co kuuliaa ni. Vana tuei nda pɛ hiiliaa a yàlàà téndéa ni, a kula pɛ, a bii ɲɛ nda va mɛngɛlaa-o, a kɔɛnnun a ndu, vana-vana helu ndu nda o ba le.

Esekiɛl 39:10

O vɔsila lan bɛngu, a venin lakɔ iyɔm tingɔɔ yondo nin te, a venin lakɔ iyɔm kioŋ o labundɛ nin te, kani ɲɛm cɔwvon nda vanin dɔvɔɔ le yinnden ciŋaa ni. A hialunin vanaa poondiaa ɲɔɔn nda o ba-a ɲɔɔn o ba, mà punga ɲɛm vanaa punga ɲɔɔn nda o ba o tasendɔ-a. Ya Maalii, ya co Mɛlɛka-o soo nuaa ni.

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Sakari 11:6

Lelan, ya bɛɛ, i nɔ lɛnin iɲíí a vanaa co icali o lɛŋnde len nin-nda le. Ya Mɛlɛka co sɔɛi nuaa ni. Tofa vɔ, i co vannda vɔngul nda pila o laba vellaa-velle, mì mal nda vɛlɛ masaa o ba. Masaa kan tɛɛmbuunin lɛŋnden. Kɛ ya, i helunin vana-vana nda o ba le.›»

Sakari 14:18

Te Esiptea kɛɛ pɛ le helɔɔ Yerusalɛm, le kafo lakùùo tosaa-a, kpundɛ toalnin vanaa-mangalaa-isɔaa tɔà kɛɛnin le kafo lakùùo tosaa-a coo-o toalnin nda Esiptea kan coo.