Misee 5:6 - BII BILA

⁶ «Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.

Misee 5:6 Referans Kwoze

Esai 14:25

I pesipesinin Asirinɔɔ o lɛŋnde nilen nin. I nɛwnin ndu a labɛngu o pembun nun coo. I faŋanin yɔm lebol ndóò handu nda o lebol-lo, a tuisinin volɔɔla lusulaala ndɔlan nda o lacongú.

Luke 1:74

le naa baŋaa yaamɔaa naa o ba, haliko mi n tosal ndu baalaa, o ve a isiòòn te,

Luke 1:71

o baŋanin naa yaamɔaa naa o ba, mò baŋa vɛlɛ naa vanaa nɔ nɛyɔnndo a naa-a o ba.

Sofoni 2:13

Mɛlɛka co baa siɛndi a ba luaŋ-ndo, mò diw vannda Asiri, mò pɛl Ninive le ndu mingio ciee-piɔ́mndo a lɛŋnde veselɛilen.

Nahum 2:11

N'tiŋ cɔwvian, n'pum tɛɛmbun, n'pum puunun! Ninivea vi n'diallon pɛ́! Vulan la co nda ɲiiyaa, nda pila yɔŋnun lɔngulɔn, hɔlla mangalan nda yifidii.»

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Esai 14:2

Mialla cuanin nda, mà mingi nda o calta ndalan. O kon, mì Israɛlla siinguu mialaa kan buɛyaa piaandua a buɛyaa laandua, o lɛŋnde Mɛlɛka len nin. A siinguunin vanaa óò bii nda o cɛlen nin-nda cɛa ndaa, mà siŋnun vanaa bɛndua vanaa va nda mɔnɛi lueiyo-a coo.»

2Dɛnnda lemasalan 33:11

O kon, mí Mɛlɛka viam simlacia vanaa cɔvaa masaa Asiri-a, má del nda coo a cɔwvo, má bii Manase. Má vow ndu ciliŋun tundanndon, má yii ndu a yɔlɔn n'daɲan, má kɔa a ndu Babilɔn.

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Esai 37:36

O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.

Esai 37:37

O kon, mí Sennakerib masaa Asiri puusiaa dɔ́ɔ́ngɔ́ ndɔ kon, mó muungu o ndu lo, mó kɔ lo icali o ndu lo Ninive.

Tɔŋ miingua 32:2

Silala nilan la co cucɔnndo mɛɛ piɔɔ sia nuaa yɛ, sɔɛi nii co delio mɛɛ kɛmndan ma cɛɛluu nuaa yɛ, pɛɛkula nilan la co cucɔnndo mɛɛ mɔ́mndo cucun o yondo puiyaa coo nuaa yɛ.

1Dɛnnda lemasalan 1:10

Mí Kus vialu vɛlɛ Nimrɔd. Nimrɔd kon yɔŋnun kuubanɔ tasoo o lɛŋnden coo ni.

SƐBƐ YƆB-O 29:22

Te yáà cii pɛ sɔɛi, vana-vana óò híílùù diom nuu le, sɔɔn nun va delio nda coo maa matoŋtoŋ.

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.