Misee 5:5 - BII BILA

⁵ À tosanin masalen o lɛŋnde Asiri len coo a o lɛŋnde Nimrɔd len coo a mɔɛi cɔwve. Nuaa Masa kon o baŋanin naa Asirinɔɔ o ba ni, te Asirinɔ kon hiow pɛ pɛɛngulan, mò luɛi o lɛŋnde naalen nin.»

Misee 5:5 Referans Kwoze

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Sakari 10:3

Lelan, i tuulu kɔl taw a vanaa mandaa n'saa, i co simlacia sangaa tuisi coo. Kani ya Mɛlɛka-Nɔ-Kpaayaa-Kpow-vo, i nɔ yiyanndo saa nia kundaa coo, polale Yuda len pɛɛn. I co nda siinguu maa so ni latɔ́ɔ́-tɔ́ɔ́ le kɔlan cɔwvo tosaa.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

Vana Kɔlkaloo 11:2

Yɔngu bolofaa nɔmndo vanaa ŋɔmmɛw kpengei pilɛ, ma yɔngu vanaa ŋɔmaa kpengei pilɛi. Kani a sinà dɛnɛ palaa toalnin o lɛŋnden coo-o le.

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

Dɛnnda cɔɔmuanndan 19:14

Mí kundala vanaa cɔvaa co o halataala-a va ndu kɔlan kɔɔli o soa humbua coo, volɔɔla toosian a kola keese humbu fɛtufɛtu diandaa lan la va nda lekɔɔ.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Sakari 12:6

Paale len, i siinguunin vanaa co bolii lapangɛi Yuda-a maa yinndacieele yinnde bɛndoo o yɔmnde tɛɛn, te kon te maa tɛngɛ biyaa o tumbula n'maltan tɛɛn. A diwnin vanaa-mangalaa-isɔaa balu nda o ba kɛndɔɔ a o ba mɛllo coo-a kpow. O kon Yerusalɛm lonin o fonda ndɔɔ Yerusalɛm.

Sakari 9:13

Kani i siɛndi polale Yuda len maa kpaasiaa, mí vow polale Efraim-nden o kpaasiaa kalaa nin mɛɛ vana vow kɔɛi o kpaasiaa nin yɛ. Éé Siɔn! Cuavaa Yavan-nda cannin le cɔlɔbaa a cuavaa nɔmnda. I siinguunin niaa maa mɔɛi cɔvii kuubanɔ.»

Amɔs 1:6

Nuaa Mɛlɛka soo ni aa: «Le yɔŋnda vɔɔnnda yàála vannda Kaasa tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda sɛ́lɛ́ bɛndoo taw-taw le nda vɔngullo Edɔmnda o ba.

Amɔs 1:3

Nuaa Mɛlɛka soo ni aa: «Le yɔŋnda vɔɔnnda yàála vannda Damas tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pimbulu vannda Kalaad o ciliŋun siɛɛmbian coo, má pesipesi nda.

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

Esai 65:8

Nuaa Mɛlɛka dimi ni aa: «Te vana komal pɛ kpɔ̀nyɔ̀ n'rɛsɛn nɔ mɛnndan lenin taw-vo, mò dimi aa la tɛɛmbuu ndu le, kani tɔnɔɔ co lenin, lende koni ya bɛɛ tosanin le vanaa baalaa niaa ni, yɔŋii nda tɛɛmbuu nda kpede.

Esai 59:19

O kon, a kenin diola Mɛlɛka lan a biilu ndɔɔ bɛɛlen, kandɔɔ nɛɛ paalen le del-la háá nɛɛ le can-nda. Hali yaamɔɔ hun bɛɛ súlùlù maa mɛmma pee bɛndu, kɔl Mɛlɛka-o toawnin ndu mò ɲaanun.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Talelan 30:29

Visia co nda yáá, a caa kɔlan a kɛɛsɔnndo-a. À co bɛɛ a hiɔɔlu:

Talelan 30:18

Ɲɛlan la co tan yáá, la ya bumba bila biyɔɔ lan, o hiɔɔlundɔɔ co vɛlɛ, o ya sina loo:

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

Talelan 6:16

Dɛnndan tan ŋɔmpum la nɛinun Mɛlɛka ni, la co bɛɛ laŋɔmmɛw.

Esai 14:25

I pesipesinin Asirinɔɔ o lɛŋnde nilen nin. I nɛwnin ndu a labɛngu o pembun nun coo. I faŋanin yɔm lebol ndóò handu nda o lebol-lo, a tuisinin volɔɔla lusulaala ndɔlan nda o lacongú.

Sakari 10:11

A taŋnin mɛmma ihɛlma imɔnɔan, Ya Mɛlɛka, i lɔanin tindima mɛmma ihɛllan, limun pee bɛndoo Nil kpow n velanin, kuundian vannda Asiri tambunin, tinda lemasa Esiptea puununnin nda o ba.