Misee 5:3 - BII BILA

³ O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Misee 5:3 Referans Kwoze

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Misee 7:13

Lɛŋnden le dɔawnunnin yɛɛvɛ le kela vɔɔn vanndacieea co lecoo-a.

Osee 2:14

I tɛɛmbuunin nakɔla n'rɛsɛnnda ndɔlan a nakɔla n'voosula ndɔla o va dimio aa: ‹Sámáá nia ke ya lan ni› lan. I co lan siinguu bundɔɔ mì visia yondoa de lan.

Osee 2:9

O kon, o vanin kɔlan sámáá ndɔa kɔɔli, kɛ o bendalnin nda le. O nuwviaanin nda, kɛ o seelunnin nda le. Le hee, o diminin aa: ‹I muungu vɔ mì kɔɛnnun o pɔnɔ ni tasoo lo. Kani lɔ́ɔ́ ya va ndu o ba-o yáà hiow va o dɛnɛ kɛndɔɔ nin a sisa.›

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Misee 6:14

La vanin dio, kɛ la pimnin te. Yiaan ma vanin niaa o ladembe. La vanin baloo kɛsio nɛɛ pum le ndu mandaa, kɛ la nɔlanin ndu manda le. La manda yɛ pɛ ɲɛ pum, i tosanin mì cɔwvo tɛɛmbuu ndu.

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

2Dɛnnda lemasalan 30:7

La tosa maa fuɲaa niaa a puapilɛa niaa le. Kani nda, a lo o lediom coo a Mɛlɛka Hala fuɲaa ndaa mamaa le. Lelan mí Hala luei nda mɔnɛi mɛɛ niaa co cɔu nuaa yɛ.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Condii lisai 67:3

Haliko mi vannda sina nɛi nɔmndo o lɛŋnden coo, mì cinda nɔmndo sinan vanaa-mangalaa-isɔɔa tɛɛn.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Misee 4:4

Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.

Sakari 10:6

I lueinin polale Yuda len yoomuan, mì baŋa polale Yosɛf len. I minginin nda o la nda lo, kani ɲíí ndɛi co ya. A vanin vana ca kaa kabi bɛɛ yáà tuw-vɔ nda polon te. Ya co Mɛlɛka ni, Hala ndaa pɛɛn, i mululnin nda piɛilen.