Misee 5:2 - BII BILA

² Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Misee 5:2 Referans Kwoze

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Nsaŋ 7:42

O co o Sɛvaa maa o polale David len, Bɛtlɛhɛm ciee, nɛɛ David va calle-a Krista fulanin ni.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Kolɔsea 1:17

O va ɲɔɔn kpow tase, ndu co vɛlɛ tosaa ni mì n va.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.

O Kandɔɔ 48:7

Yáà cɔnɔnndo Padan-Aram, mí Rasɛl kei vu o lɛŋnde Kanaan-nden nin, Efrata ciee-lekɔɔ. O nɛi Efrata nɔ vɛlɛ diolan aa Bɛtlɛhɛm-ndo coo lon ya kumbu ndu ni.»

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

O Kandɔɔ 35:19

Mí Rasɛl vu, má kumbu ndu o nɛi Efrata-o coo, Bɛtlɛhɛm pɛɛn.

Hebreea 7:14

Vana-vana sínà maa o polale Yuda len nin Maalii naa fula ni. Nduyɛ telen Moise va sɔɛi vanaa-solia-lasálàá dimio-o, o dimi ɲɛ-ɲɛ a polale len o kɔɔ le.

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Yeremi 30:21

O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

1Samiɛl 10:19

Mí Samiɛl dimi vɛlɛ aa: «Kɛ niaa kan te co hau Hala niaa soli niaa kon o sangalan nin a o dɛnnda palaalan nin-ndo kɛɔ, mí la muungu ndu dimullo aa ‹Ke naa masaa› le? Lelan, la hun niko o Mɛlɛka lo mɛɛ polama niaan a yungula niaalan la co yɛ́-yɛ́ yɛ.»

Luke 23:38

Sɛvaa pum va ndu o bollen coo aa: «Hoo co masa Yuifia ni».

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

1Dɛnnda lemasalan 5:2

Nduyɛ, Yuda ndóò hiow puapilɛa ndɔa kpow kpaayaa, o polale ndɔlen nin masa bɛndu Israɛlla fula ni, kɛ le Yosɛf fonda ikaasonyaa va nin ni.

1Dɛnnda lemasalan 4:4

O kan kɔɔli, mó vialu vɛlɛ Penuɛl, o kelu kobio Kedɔr-o a Esɛr kelu kobio Husa-o. Kan yɔŋnun poaa Hur-a ni, po tase Efrata-o. Hur kon kelu Bɛtlɛhɛm ni.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Condii lisai 132:6

Naa n tueyɔɔ maa kesu kpemaa co Efrata, mí kɔ saalun ndu Yaar, o yondoo nin.

1Dɛnnda lemasalan 2:54

Poaa Salma-a yɔŋnun haa ni: Bɛtlɛhɛm, Netofatiia, vannda Aterɔt-Bɛt-Yoab, Manatiia táláá pilɔɔ, Soreatiia

1Samiɛl 23:23

La kɔ mɛɛndian mì la sina bɛ̀mɛ́lta o viannun-ndan, mì la muungu ya o ibuŋ, mì la downun ya kona ɲɛkɛndɛi malan ya can mì n kɔɛ naa niaa. Te o tàndá Yuda-o nin o co lekɛ́ndɛi ni, mɛ̀ɛ́-mɛ̀ɛ́ vannda va bɛɛ sɛ́lɛ́, i co ndu lo nuwviaa o yungula yɛ́-yɛ́la fula o polale Yuda len nin-ndan nin háá mi saalun ndu.»

1Samiɛl 17:18

Cua vɛlɛ cuɛima nɔnɔan man kpungban tɔ́, ma yoo simlacinɔ cɔw co kunda ndaa bollen-ndo. Mà kɔ tofa te bɛndaa nɔmnda co kɛndɛ. O kon, a bii ɲɔɔ pum nda o ba le tɔɔmaseloo, a hun cɔm ya tɔɔmasele kon.

Tɔŋ miingua 1:15

O kon mí cua vanaa va bolii lapangɛi o polama niaan coo-a, vanpiaandua kendu kɔl-la, á nɔ diola kɛndɛlan-nda, mí handu nda simlacia o kundala n'van vàá-vàálan, o kundala n'van kɛmɛ-kɛmɛlan, o kundala n'van beleŋuɛɛnu-beleŋuɛɛnulan a o kundala n'van tɔ́-tɔ́lan coo, mí siinguu nda vanaa toosiaa n'sɔɔa le polama niaan.

1Samiɛl 8:12

A pum vanin bolle vanaa cɔwva vàá pilɛ, a pum yɛ nda vanin bolle vanaa cɔwva beleŋuɛɛnu. O cuanin a pum le ciɛɔn ndɔn vaa a le tɔlɔɔla ndɔlan kiɔndɔɔ. A tiŋ le ndu ɲɛm cɔwvon cowvo a le ndu ɲɛla ɲaanannda soa nan-ndan cowvo.

Fulaa 18:25

Mó hɛli vanaa sɔvɛa o Israɛlla kpow tɛɛn, mó handu nda simlacia o kundala n'van vàá-vàálan, kundala n'van kɛmɛ-kɛmɛlan, kundala n'van beleŋuɛɛnu-beleŋuɛɛnulan a o kundala n'van tɔ́-tɔ́lan coo.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

O Kandɔɔ 35:16

Mí Yakɔb faŋan Betɛl a yungu ndɔɔ. Tiŋndo ndóò lo vɔ lándán le tiiyaa Efrata, mí Rasɛl vialu hɔ́ɔ́ piaandoo. Kɛ mó sanga taw o violɔɔ.

Masaa kialaa n'yamaa 17:7

Langbanɔ felengoo pum va icali Bɛtlɛhɛm o tàndá Yuda-o nin, leviinɔɔ o va ni.

Ruti 1:1

Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Misee 4:10

La somisomin a ɲɛ nɛyaa, mì la ŋɔnga maa vanalanɔ nda sɔɔnguu lekɔɔ le volɔɔ. Kani la bɛnda mi la mal kobio sisa, mì la kɔ kila calta niaalan yondoo nin, mì la kɔɛ bɛɛ háá Babilɔn. Lon niaa co lakɔ baŋaa sɔla ni, lon Mɛlɛka hialunin niaa yaamɔaa niaa o ba ni.